ULWIMBO 54
“Inzila Yo-o”
-
1. Kwawi nzila yino,
Yawa nu mutende.
Yino namwemwenye,
Mwamanya nkaninye,
Inzila yino Yesu
Waminenile.
Ikazanwa mwi Zwi
Ilyakwe Yehova.
(KORASI)
Yonye yili nzila; Ya ku wumi.
Mutasowa; Mutakonka yinji!
E Leza kuti: ‘Ikonkani;
Kusi yinji, iya kupitamo.’
-
2. Kwawi nzila yino,
Yawa nu lukundo.
Yehova awino
Watulanjizizye.
Wawa nu lukundo;
Lwa cisinka lyonsi.
Anzila yo sweswe;
Tukakonka lyonsi.
(KORASI)
Yonye yili nzila; Ya ku wumi.
Mutasowa; Mutakonka yinji!
E Leza kuti: ‘Ikonkani;
Kusi yinji, iya kupitamo.’
-
3. Kwawa vye inzila,
Yonga iya wumi.
Leza watunena:
Kutawa na yinji,
Mo mwawu lukundo,
Swinya nu mutende.
Yonye yili inzila,
Yo yaya ku wumi.
(KORASI)
Yonye yili nzila; Ya ku wumi.
Mutasowa; Mutakonka yinji!
E Leza kuti: ‘Ikonkani;
Kusi yinji, iya kupitamo.’
(Lolani na Amalu. 32:8; 139:24; Imilu. 6:23.)
