LOLANJI!
2022: Umwaka Muno Mwizwile vye Intazi—Acani Cino Baibolo Ikalanda?
Mu 2022, twivwanga vye amalipoti ya zya nkondo, intazi zya wulonsi wa nsi na masanso. E Baibolo mutupunye awino angatulondololela muno mwasuzile vyonsinye vyo-o vino vyacitikanga umwacizo.
Muno mwasula vino vyacitikanga mu 2022
Vino vyacitisile umwacizo vyatulanjizyanga apatiswenye ukuti tukwikala mu manda yano e Baibolo ikakwita ukuti “amanda yakupelelechezya.” (2 Timoti 3:1) Ya-a amanda yatalisile mu 1914. Lolani vyo ivintu vino vikucitika munsi vikulingana uwusaka sana na vino e Baibolo yalandizile cankani ukuti avino viliwacitika mu mpindi yitu:
“Inkondo.”—Mateyu 24:6.
“Umwaka wa 2022, walinji amwaka wuno insi ya Europe yatalisile ukuwa inkondo na swinyanye.” a
Lolani ilyasi lyakuti “Insi ya Russia Ikatucizile Insi ya Ukraine.”
“Ivipowe.”—Mateyu 24:7.
“2022: Umwaka Muno Mwalinji Ivipowe Icikulu.” b
Lolani ilyasi lyakuti “Inkondo ya mu Ukraine Ilenzile Icipowe Ukukulilako Insi Yonsinye.”
“Ivikuko.”—Luka 21:11.
“Indwala ye Polio yaponile swinya, indwala yakuti monkeypox nayo yizile yawa antazi inkulu, ne COVID-19 nawe akuya akukuzizyako vye intazi. Vyonsinyene vikulanjizya vye vino indwala zino zikakwambucila zyawipa na vino swe wantu tukalonda uwakutwavwa.” c
Lolani ilyasi lyakuti “Awantu 6 Milioni Wafwile ku Ndwala kwe COVID.”
“Ivintu ivya kutinya.”—Luka 21:11.
“Ivilungula, ivilala, indupya ni zya ntalala aco tuke twakwizucizyako umwaka wa 2022. Nge acisanya ceni tuke twacizucila ku vilungula vino vyononile ivintu nkaninye, co-o calenzile awantu imintapenda ukufwa. Ne wanji wasovizye na mang’anda yawo.” d
Lolani ilyasi lyakuti “Insi Ikulungula Sana.”
“Ivyongo.”—Luka 21:9.
“Pa mulandu wa kuti awantu wafuzilwe nkaninye pe vino imikalile yiwifile, maka maka ukulozya ku wulonsi wansi, calenzile wakatusya ivyongo pakulwisya uwuteko mu 2022.” e
Lolani ilyasi lyakuti “Ivintu Vikwezile Nkaninye Umutengo Munsi.”
Avyani vino vilicitika mu 2023?
Swensinye tutamanyile. Lelo cino tumanyile acakuti, Uwufumu wa kwe Leza nanti uwuteko wa kwi yulu wandi wapilule ivintu munsi nombanye. (Daniel 2:44) Wo-o uwuteko wakwiza wufumyepo vino vikalenga awantu wayimba. Wulilenga nukulonda kwa kwe Leza ukucitwa munsi.—Mateyu 6:9, 10.
Tukumiwomelezya ukukonka vino Yesu Klistu watunenile ukuti twacita swinya ‘mwalola’ vyo vyonsinye vino vikucitika vikuficilisya uwusesemo wa mu Baibolo. (Marko 13:37) Nga mukulonda ukumanyilapo na vinji pe vino Baibolo ingamyavwa nombanye na vino ingalenga mwemwe nu lupwa linu ukuwa ni suwilo lyeneco lyeneco kunkolelo, landani nasweswe.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Mungakunda na vyoo
AMASAMBILIZYO YA MU BAIBOLO AMACINDAME
Uwufumu wa kwe Leza Acani?
Yesu walanzile sana pa Wufumu wa kwe Leza ukucila pa cili consinye. Ukufuma na kaali awasambilizi wakapepela woo Uwufumu ukwiza.
AMASAMBILIZYO YA MU BAIBOLO AMACINDAME
Uwufumu wa kwe Leza Watalisile Ukuteka mu 1914
Ukucila pa myaka 2,600 yino yapita, e Leza walenzile iciloto ca wusesemo cino cikuficiliswa mwe ya-a amanda ukuwa awusesemo wuno wukalanda pa mfumu ya maka.
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.
