LOLANJI!
Awantu waleka ukusuwila Awamuvikanza vyansi—Vino Baibolo Ikalanda?
Mwe wo-o umwaka wa 2024 kwandi kuwe uku vota ukuzinguluka insi yonsinye ukucila vino cawanga kunsizi.Lelo nanti ciwe wo-o, awantu waleka ukusuwila Awamuvikanza vyansi.
Awina America awavule wano wakalolecesya mu ncende vino vikucitika walanzile ukuti “Awa muvikanza vyansi wakacita vino vikalanjizya ukuti wayikunda” ukucila ukuwika amano kwe vino awantu wakulonda. a—Pew Research Center, September 19, 2023.
Na waciticinye awavule watasuwila awa muvikanza vyansi.
“Awacitici awavule mwe ya-a amanda wakalonda ukuzana vino vingawavwa ukumala intazi, lelo nga wakuwakolowozya kwe wano wakavwambilizya pa vintu, wakati awa muvikanza vyansi wasizana ivya kuwavwa.”—E New York Times, January 29, 2024.
“Ukulingana nawano wakawombela ku vya ma voti wazana ukuti, awacitici awavule wasuwila wano wakatambisya ama vidyo pa ma Websaiti swinya wano wawa na wantu awavule wano wakawatamba, ukucila wano wawa muvikanza vyansi.”—E Korea Times, January 22, 2024.
Uzye tuzipizile ukusuwila awa muvikanza vyansi pa kuti twize tuwe nu wumi ku nkolelo? Weweni wino tungasuwila?
Muwacenjela na Wano Mukasuwila
Awantu wazipizile ukucenjela na wano wakasuwila. E Baibolo yikati “Umutumpe akasuwila chisuwile suwile, umuntu muchenjele akayipecela.”—Imilumbe 14:15.
Pakuti mumanye ivyewo vino mwapocelela nga cakuti avya cisinka nanti avya wufi wazyani icipande cakuti “Ifyo Twingaicingilila ku Malyashi ya Bufi.”
Mwakwizuka ukuti, na walyanye wano wawa muvikanza vyansi watange wacitevyonsinye vino wangalonda ukuti wacite. Awuli umulandu wuno e Baibolo ikatusoka ukuti
“Utize uwasuwila muwutunguluzi wa wuntu; nanti winjinye wensi wino atange akutule.”—Amalumbo 146:3, GNT.
Intunguluzi Yino Mungasuwila
E Baibolo yikalanda ukuti eLeza wasonta intunguluzi yino tungasuwila akuli ukuti: E Yesu Kristu. (Luka 1:32, 33) E Yesu ayili Imfumu ya Wufumu wa kwe Leza Uwuteko wuno wukuteka kwi Yulu.—Mateyu 6:10.
Sambililani umulandu wuno tungasuwilila e Yesu, na vino alicita pa kumala intazi zino tukapitamo. Wazyani icipande cakuti “Bushe Imfumu ya Bufumu bwa kwa Lesa Nani?” ni cakuti “Finshi Ubufumu bwa kwa Lesa Bukacita?”
a Akawungwe, “Kano Kakalolecesya Ivya ma politiki mu America,” September 2023.
Mungakunda na vyoo
AMALYASI NA YANJI
Uzye Ukuwozya Kulitela Kusile?
Lolani imilandu yitatu ino ingalenga tusuwile uwuteko muno mutalitela muwe ukuwozya.
AMASAMBILIZYO YA MU BAIBOLO AMACINDAME
Uwufumu wa kwe Leza Acani?
Yesu walanzile sana pa Wufumu wa kwe Leza ukucila pa cili consinye. Ukufuma na kaali awasambilizi wakapepela woo Uwufumu ukwiza.
AMASAMBILIZYO YA MU BAIBOLO AMACINDAME
Uzye Tungasinincizya Wuli Ukuti e Baibolo aya Cisinka?
Nga cakuti amazwi yano yawamo yafuma kwe Leza, lyo yifwile ukupusanako na mabuku yanji yano awantu walembapo.
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.
