Mwe lipoti ya mu June 2022, e kateka wino akalolecesya pa Kawungwe ka Ndalama (World Bank Group) insi yonsinye walanzile ukuti: “Imitengo ya vintu mu nsi yikuwipilako vye.” Watili nukuti: “Indalama yikuya yikucepelako vye amaka, nomba imitengo ya vintu yisakunyoka na pansi.”

 E lipoti ya kawungwe ka International Monetary Fund yikulanjizya ukuti: “Ivya kulya na mafuta vikwezile nkaninye imitengo, na co-o cilenzile awantu awavule wano wikala mu nsi izipina ukucula nkaninye.”

 E Baibolo yikatwavwa ukwivwicisya umulandu wuno kwawela yo-o intazi, vino tungacita pa kusipicizya, na vino yo-o intazi ilisila.

•   E Baibolo yikakwita impindi yino tukwikalamo ukuti “amanda yakupelelechezya.”​—2 Timoti 3:1.

•   E Yesu wavwanzile ukuti ivintu ‘vya kutinya’ nanti “iviwipe” viliwa acimanyilo ca manda ya kulecelezya. (Luka 21:11) Tukasakamikwa nkaninye, ivintu nga vyakwela imitengo. Icakuti indupwa imvule zikasakamala pe vino ivintu viliwa kunkolelo, nukuvwilika nga cakuti waliwakumanisya ukusakamala awa mulupwa lwawo.

•   Ibuku lya mu Baibolo ilya Ukuwumbulika lyalandizile lya nkani pe vino ivya kulya na vinji vikwezile imitengo mwe yaa amanda ya kulecelezya. Ikati: “Nga injivwa cimwi ngata lizwi mukasi ka vitumbulwa vya wumi vini. . . . Vikuti: ‘Ivyelelezyo vitatu ivya kwe barle ku lu ndalama longa.’”​—Ukuwumbulika 6:6, Itestamento Lipya.

 Nga mukulonda ukumanyilapo na vinji pa “manda ya kulecelezya” na pa wusesemo wa mwi buku lya Ukuwumbulika, tambani vidyo yakuti: Insi Yapiluka Ukufuma mu 1914 nu kuwazya icipande cino catinji: “Uzye Awonsi 4 Wano Wakwela pa Kavwalo Awaweni?”

•   “Awantu waliwazenga ama ng’anda awikala mwenemo—wanji pole. Waliwalembeka ivyalo vyamiti ya vikomwa vyipala, awawang’wa ipala—wanji pole nanti kung’wa.”​—Ayizeya 65:21, 22.

•   “Sivyo munsi amuwa ichakulya chivule. Sivyo mumyamba amuwa ichakulya chivule.”​—Amalumbo 72:16.

•   “Amuno awalanda wakunyonjelechezya, nawano wakuvindilichizwa wakulweta kuwulumila nandi mbatule ndimuno wakalonda!” Avino imfumu Leza [Yehova] wataka.​—Amalumbo 12:5. a

 Nomba nye, e Yehova ali nukufumyapo vyonsinye vino vikalenga twacula mu mikaliile. Atalivifumyapo ku nsi yimwi, lelo alicita woo insi yonsinye pano yapakula. Nga mukulonda ukumanya vino Yehova alicita wazyani icipande ca pa ca mu Ciwemba ica kuti: “Uzye kulitela Kuwe Impindi Pano Imikaliile ya Wantu Wonsinye Iliwa Icili Conganye?”

 Namwe yanye amanda, e Baibolo yingatwavwa ivyakuwomba na yo-o intazi ya kukwela kwa mitengo. Uzye yingatwavwa wuli? Mwawa ivisinka vya masundo vino vingatwavwa pakuti twawomvya icete indalama zino tukulema. (Imilumbe 23:4, 5; Ekawizya 7:12) Nga mukulonda ukumanyilapo na vinji, wazyani icipande ca mu Ciwemba ica kuti: “Muwacinjilila Vino Mwakwata” ni ca mu Cinamwanga icakuti: “Ivya Kwikala ni Ndalama Zino Mukweti.”