Utuwungwe twa mwe yo-o insi na wakateka wapotwa ukuleta umutende. Pe yo-o impindi uwunkalwe ni vyongo apano vikuyilakovye pa nkolelo ukufumilila pa nkondo ya citi wili iya nsi yonsi. Awantu ukufika kwe 2 bilyoni, akuli ukuti e kota ya mpendwa ya wantu wano wawa mu nsi, wakakwikalila mu ncende muno mwawa sana ivyongo.

 Acani cino awantu watanga waletele umutende? Vino Baibolo yikalanda

1.  1. Awantu wawa ni miwele yino yikalenga wapotwa ukupanga umutende. E Baibolo yalandizile lyankani ukuti mu manda yakulecelezya awantu, ‘waliyikunda, walikunda ni ndalama, waliwayitutuwalika, wakayiwanzye, . . . wano watawa ni cisinka, . . . wacipiluka, . . . wano wasiyilama, awawukali, . . . wakayitumvye, wano wakayitutuwalika nichilumba.’​—2 Timoti 3:2-4.

2.  2. Awantu Watawa na maka yakuyitungulula aweneco ukwasowa kelewula wawo e Yehova a Leza. E Baibolo yikati “chisi achamuntu ukuyipanzizya inzila zyakwe muwulanzi wakwe.”​—Jeremiya 10:23.

3.  3. Insi yikatungululwa nu mulwani e Satana ciwa, wino “wakopeka insi yonsi.” (Ukuwumbulika 12:9) Wo-o vino “awa munsi wanyepwa nu muwipe,” awuli umulandu wuno kwawela inkondo ni vyongo.​—1 Yohani 5:19.

 E Baibolo yikatuwomelezya ukuti, e Leza awino alileta umutende, asawantu awe.

•   “‘Nenganye nemwecho anemuntu namanya ichakuwachitila mwemwe,’ avino Imfumu e Leza wataka wati. ‘Ndileka muwe numutende, muwapochelela chonsi chino mukulolela.’”​—Jeremiya 29:11.

 Uzye e Yehova alificilisya wuli wo-o uwulayo? “Nga Leza wino akatupa umutende wakwe wandi asyonongolele Satana mu manama yitu.” (Waroma 16:20) E Leza aliwomvya uwuteko wakwe uwa kwi yulu, wuno Baibolo yikakwita ukuti; “Uwufumu wa kwe Leza,” pakuleta umutende mu nsi yonsinye. (Luka 4:43) Pano e Yesu Klistu, Imfumu ye wo-o Uwufumu aliwateka, awantu walisambilila ivyakwikala umutende.​—Ayizeya 9:6, 7.

•   Pakuti musambilile na vinji, wazyani icipande ca mu ciwemba icakuti “Finshi Ubufumu bwa kwa Lesa Bukacita?”