Awantu awavule wakalola ukuti akapatulula ka nkanda kacili katani kasile.

•   “Awantu nu tuwungwe ukuzinguluka insi yonsinye watwalilila ukupusana pamulandu nakapatulula ka nkanda. Swinya calenga awantu walola wanji ngati watacindama.”​—António Guterres UN Secretary-General.

 Uzye kulitela kuwe impindi pano kutaliwa akapatulula ka nkanda? Acani cino baibolo ikalanda?

 E Baibolo yikatunena vino Leza akalola awantu awamitundu imilekane lekane.

•   “Mumuntu wenganye amuno welewulizile imyiko yonsi, ukuti yiwakwikala munsi yonsi.”​—Imilimo 17:26.

•   “Kanonzi napanichisya kuno Leza akalingania awantu wonsi apaliponga. Umuntu wensi wino akamutina nukucita ivizima, asipechela ukulola pamyiko yawantu.”​—Imilimo 10:34, 35.

 E Baibolo yikalanda ukuti awantu wonsinye wawa mu lupwa ululilonganye. Swinya akapocelela awantu wamutundu uwuli wonsinye.

 Akapatulula ka nkanda kataliwako mu Wufumu wa kwe Leza wuno wukateka kwi yulu. Mwe wo-o uwufumu awantu walisambilila ukuwalola wanji munzila iyili yonganye. Swinya walisambilila ukukanawa na kapatulula kano wawa nako pe yo-o impindi.

•   “Insi nawantu wamwenemo apano walimanya ukusimichila kwako vino kuli.”​—Ayizeya 26:9.

•   “Amuno awantu wonsi waliwachita vino viyine, kuliwa umutende nukwikala ichete penye.”​—Ayizeya 32:17.

 Mwe ya-a amanda awantu awavule wakasambilila mwe Baibolo pe vino wangalola wanji nu kuwacindika.

•   Pakumanyilapo na vinji, wazyani Loleni! yakuti “Bushe Akapatulula Kakapwa?”

•   Wazyani icipande cakuti “Ivya Kulanda na Wana pa Kapatulula ka Nkanda” pakuti musambilile vino awakwasi wangalanzyanya na wana wawo pe lyo-o liyasi.