Konsinye kuno mungaya, awantu wapawunkana pa mulandu wa vikanza vya nsi. Ukulingana nukuvwambilizya kuno akawungwe ka Pew Research Center kacisile mu 2022 wazanile ukuti, “munsi 19 zino wavwambilizizyemo wazanile ukuti wa songo ukucila pe hafu wavwanzile ukuti munsi muno wikala awantu wakapanzinkana nkaninye pa kawungwe ka vikanza vyansi kano cila muntu wawamo.”

 Uzye namwenye muweni ukuti kuno mwikalila awantu wakuya wakupawulana pa mulandu ni vikanza vyansi? Mungati amulandu ci? Uzye kulitela kuwe cino ciliwalemenkanya? Lolani vino Baibolo ikalanda.

 E Baibolo yalandizile lya nkani ukuti mumpindi yitu, yino ikakwitwa ukuti “amanda yakupelelechezya,” awavule waliwa ni miwele yino yitanga yiwalemenkanye kwe wanji.

•   “Impindi zyawuyimvi ziliyiza mumanda yakupelelechezya. Awantu waliyikunda, . . . wachisanguka.”​—2 Timoti 3:1-3.

 Nanti acakuti awavule wakawombesya ukuwombela ponga nu wuteko pakuti wulemenkanye awantu, cikawa vye ngati wakupala mukokwa amamba. Visiwomba. Awantu wano wakakwelenganya ivipusane na wanji wakapotwa ukuwombela ponga na wanji pakuti wamale intazi. Co-o cikatulanjizya apatiswenye vino Baibolo yalanzile imyaka ya kunsizi.

•   ‘Umuntu akatecela umuntu muwuye kukumuyimvya.’​—Ekawizya 8:9.

 Lelo nanti cingawa wonye wo-o, e Baibolo ikatunena pa wuteko wuno wulilemenkanya awantu. Wo-o uwuteko wukatungululwa na wino wawa na maka yakufumyapo intazi zyonsinye zino zikalenga awantu wayimba.

 E Baibolo ikatunena e kateka umufikepo wino wawa ni miwele yino yikalondekwa pakufumya zyonsinye zyo-o intazi. We-e e kateka we Yesu Klistu. E Yesu wawa na maka yakuleta umutende munsi nukulemenkanya awantu, swinya conye co-o acino akalondesya ukucita.

•   “Sivyo alanga amulungamane uwulanzi wakwe wonsi, numutende wulandalilie ponsi pano umwezi wukuwala.”​—Amalumbo 72:7.

•   “Imyiko yonsi iliwamuwombela!”​—Amalumbo 72:11.

 E Yesu awili e kateka umufikepo amuno wawika sana amano ku wantu swinya akalondesya ukuwavwa, maka maka wano wafyengwa kuwawuye.

•   “Akatula awalanda wano wakamulilila, nawasaluke wano watapechelwa. Akalolela awatonte inkumbu; akatula uwumi wawasaluke wano wakuyimba. Akawatula kuwikwelengulo nawalombwa; weni wakunda uwumi wawo.”​—Amalumbo 72:12-14.

 Manyilanipo na vinji pa Wufumu wa kwe Leza, uwuteko wa mwi yulu wuno e Yesu akatungulula. Lolani ivizima vino wulimicitila na vino mungacita pakuti mwawutunjilila.

•   Tambani vidyo yakuti Uzye Uwufumu wa kwe Leza Acani?

•   Wazyani ilyasi lya mu Ciwemba ilya kuti “Uwufumu wa kwe Leza—Uwuteko Muno Mutaliwa Ukuwozya.”