Awavule Wakatalalilwa—Cani Cingamyavwa Ukukana Talalilwa Nkani?
Wano Wakavwambilizya pa Ndwala ya Masakamika Insi Yonsinye watili, “wasongo awavule mu United States wakutalalilwa, swinya wonye avino cili na ku wacitici awavule.” Akawungwe ka kuti Surgeon General’s Advisory on the Healing Effects of Social Connection and Community, 2023.
Pa 15 November, 2023, akawungwe ka “World Health Organization kalanzile ukuti kapanzile akaliwumba ka wantu wano wandi walolecesya pe vino vikalenga awantu watalalilwa nu kuyipawula ku wantu wanji. Swinya kandi kawomelezya awantu ukuwika amano kukuwa na wuciwuza uwuwome na wantu wanji nu kulola inzila zino wangamalilamo ukutalalilwa munsi zyonsinye asamulandu azipina nanti pole.”
Mu Baibolo mwawa ukupanda amano kuno kungatwavwa ukupanga iviwuza na wantu wano wangatwavwa ukukana talalilwa.
Ivisinka vya masundo vino vingatwavwa
Mutacita ivintu vino vingamitalusya ku wantu wanji.Ndi vino ukuwomvya nkani e intaneti, lelo mwawa ponga na wantu nu kupanga iviwuza.
Icisinka cisundo: “Penye wano wakundana wakalanjizya ulukundo. Nguwunyina awachani ndi kusi ukwavwana kumwi muntazi?”—Imilumbe 17:17.
Muwakwavwako wanji.Ukucitilako wanji ivizima, kusiwomyavye wuciwuza witu na woliwo, lelo kukalenga twakwivwa icete.
Icisinka cisundo: “Ukupa akwalongo wuli ukulusye ukupochelela.”—Imilimo 20:35.
Yanji pa webusaiti yitu pakuti mumanyilepo na vinji ukufuma mu Baibolo pe vino mungacita pa kuwomya wuciwuza winu na wantu wanji.
Mungakunda na vyoo
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.
