LOLANJI!
Uzye Ukulwila Icikombe ca nsi Yonsinye Akuno Cingalemenkanya Awantu?—Acani Cino Baibolo Ikalanda?
Awantu mupipi ne 5 billioni wo-o umwaka awano wandi watambeko e FIFA World Cup ino ikuwako ukutalika mu November pa 20 ukufika pa 18 December, 2022. Awavule wakulola ukuti yo-o boola yitandi yipelele vye pakumelenkanya awantu insi yonsinye lelo yandi yicite na vinjinye.
E Nelson Mandela wino walinjipo we prezidenti wa ku South Africa watili: “E boola ye wo-o umwaka yandi yipilule insi nkaninye. Ili na maka ya kulenga awantu ukucitapo cimwi, ili na maka yakuwalemenkanya munzila iyiyiwele.”
E Gianni Infantino, e prezidenti wa FIFA a nawe wavwanzile ukuti: “E boola ikalemenkanya awantu amuno yikalenga “wawa ni suwilo, insansa, wayivwa ukuti wakundana swinya wakatalika ukulola ukuti wakunda ivili vyonganye.
Uzye kweni e boola nanti ulwizyo ululi lonsinye ulwa nsi yonsinye aluno lungacita icintu cakula wo-o? Uzye awantu walitela wikalepo mu mutende?
Uzye molimonye ikalemenkanya wantu?
E Boola ye wo-o umwaka ilenzile awantu wakwelenganya ukuti yicizile na pakuyitamba. Ilenzile awantu watalike ukulanda pa malyasi ya vikanza vyansi, ukupatululana kwa nkanda na pe vinji.
Nanti ciwe wo-o, awavule wakakwivwa icete ukutamba e Boola ya nsi Yonsinye. Lelo cino tufwile ukwizuka acakuti, asa mulandu na wantu wano wangakunda ukutamba lo-o ulwizyo, e boola asayino ingawalemankanya. Indwizyo zya musango wo-o zikalanjizya vye vino awantu wapawunkana, wulyanye vino e Baibolo yalandizile lya nkani vino awantu waliwa ukuti avino vilimanyisya ukuti mu mpindi yino ikakwita ukuti “amanda yakupelelecezya.”—2 Timoti 3:1-5.
Cino cililemenkanya vye awantu
E Baibolo ikatulaya impindi pano awantu insi yonsinye walilemenkana. Ikatunena ukuti uwuteko wa mwi yulu wuno wukakwitwa ukuti “Uwufumu wa kwe Leza” awuno wulilemenkanya awantu insi yonsinyene.—Luka 4:43; Mateyu 6:10.
E Yesu Klistu, Imfumu ye wo-o Uwufumu alisinincizya ukuti munsi yonsinye muli umutende. Baibolo ikavwanga ukuti:
‘Awalungamane walipuuka, nu mutende wulivula.’—Amalumbo 72:7.
“Akatula awalanda wano wakamulilila . . . Akawatula kuwikwelengulo nawalombwa.”—Amalumbo 72:12, 14.
Na peyonye impindi, Yesu alemeninye imitapendwa ya wantu mwe vino akasambilizya munsi 239. Wasambilizile vino wangacita pakuti watati wapata awantu wanji wano watakolana nawo. Nga mukulonda ukumanyilapo na vinji, wazyani amalyasi ya mu Ciwemba yano yalinji ni mitwe yakuti “Ifyo Twingacita pa Kuti Twilaba no Lupato.”
a Fédération Internationale de Football Association, iwumba lino likalocesya pe boola insi yonsinye.
Mungakunda na vyoo
AMASAMBILIZYO YA MU BAIBOLO AMACINDAME
Uwufumu wa kwe Leza Acani?
Yesu walanzile sana pa Wufumu wa kwe Leza ukucila pa cili consinye. Ukufuma na kaali awasambilizi wakapepela woo Uwufumu ukwiza.
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.
