LOLANJI!
Uzye Awina Klistu Wakatunjilila Inkondo?—Avyani Vino Baibolo Yalandapo?
Nga vino tuweni mu nkondo yino yikucitika ku Ukraine intunguluzi zya simapepo zino zikayitunga ukuti awina Klistu zikuwomelezya awantu wawo ukulatunjililako inkondo. Lolani vino wasimapepo wamwi wakutunjilila uluwali lumwi ulwa nkondo ne wanji nawo wakutunjilila uluwali luwuye:
“Tukusalifya nkaninye nu kucindika awasilika witu wonsinye wano wakucinjilila insi yawo iya Ukraine kwe wano wakuwalwisya . . Lyonsinye tukumipepelako ukufuma pansi ya mwezo witu swinya tuli kuluwali lwinu.”—E Metropolitan Epiphanius I uwa ku Kyiv, ukulingana ne Nyuzi ya The Jerusalem Post, March 16, 2022.
“Pa kulongana ukuyiwele kuno kwalinjiko pa Sabata e songo wi Calici ca Orthodox ica mu Russia wawomelezizye awasilika wa mu Russia ukuti wazipizile ukucinjilila insi yawo ‘aweneconye’ pano uwuteko wa Russia wukutwalilila ukulwisya Ukraine.”—Ukulingana ne Nyuzipepa ya Reuters, April 3, 2022.
Uzye awina Klistu wazipizile ukuyisanzya mu nkondo? Avyani vino Baibolo yalandapo?
Avyani vino Baibolo ikalanda?
E Baibolo yikalanda ukuti awasambi wa kwe Yesu awacisinka wasiyisanzya mu nkondo
“Nyocezya ulupanga muno lukuwanga, amuno wonsi wano wakusenda impanga walilowa ni mpanga.”—Mateyu 26:52.
Nga cakuti wumwi akuzumilizya nanti ukulwako inkondo, uzye mungati molimonye lyo akakonka yaa amazwi yano Yesu walanzile?
“Nawapa isundo lipya ilyakuti kundanani: ndivino nawakunda, avino namwenye mukundane. Awantu waliwamanyila kwakwe conyecoo wati mwe wasambilizi wane, ndi mwakundana.”—Yohani 13:34, 35.
Uzye umuntu wino akuntunjilila inkondo, akalanjizya ukuti wawa nulukundo luno Yesu wtili luluwanyisya awasambi wakwe?
Nga mukulonda ukumanyilapo na vinji wazyani icipande ca mu Ciwemba icakuti, “Uzye Awina Klistu Wazipizile Ukulwako Inkondo?”
Vino Awina Klistu wazipile walola inkondo
Uzye mungenecela Awina Klistu ukukanatunjililako inkondo? Ee. E Baibolo yalandizile lyankani pe ya-a “amanda ya kupelelecezya,” ukuti kuliwa awantu ukufuma mu nko zyonsinye wano watalisambilila ‘ivyakulwa inkondo,’ ukulingana nukusambilizya kwa kwe Yesu.—Ayizeya 2:2, 4, futunoti.
Nga mukulonda ukumanyilapo na vinji wazyani icipande ca mu Ciwemba mu Ulupungu lwa kwe Kalinda icakuti “Uzye Leza Akalola Wuli Ukulwa Inkondo?”
Nombanye e Yehova a “e Leza wa mutende” aliwomvya uwuteko wakwe uwakwi yulu pa kupususya awantu “kuwikwelengulo nanti awamutiticizya nawalombwa.”—Wafilipi 4:9; Amalumbo 72:14.
Pa kumanya vino alicita, tambani vidyo yakuti Uzye Uwufumu wa kwe Leza Acani?
a Yehova alizina lya kwe Leza.—Amalumbo 83:18.
Mungakunda na vyoo
LOLANJI!
Avyani Vino Baibolo Yalandapo pa Mipepele Yino Ikuyisanzya mu Nkondo ya ku Ukraine?
Intunguluzi zya mapepo ku mbali zyonsinye zikucita ivipusaneko na vino e Yesu wasambilizizye awasambilizi wa kwe ukuti wacita nukukanacita.
AMASAMBILIZYO YA MU BAIBOLO AMACINDAME
Acani Cino Leza Walecela Uwuyimvi Ukuya Inkolelo?
E Baibolo ikatunena icasuko cakusansamusya cino tungasuwila.
IVYASUKO KU MAWUZYO YA MU BAIBOLO
Uzye Uwufumu wa kwe Leza Acani?
Lolani cino calenga Uwufumu wa kwe Leza wuyiwele nkaninye pa mawuteko ya wantu.
AMASAMBILIZYO YA MU BAIBOLO
Yelezya Ukusambilila Baibolo
Talika ukusambilila Baibolo uwilanye nu wakukwavwa.
