Awantu wakuya wakuleka ukuwa ni miwele mizima. Ku cakulolelako, awalwale wakazanzucila wa dokota; wano wakaya mukulya mu ma lesitilanti wakakalipila nu kulengulula wano wakawapekanizizya; wakakwela wa ndeke wamwi wano wawa ni vikanza, wakatalika ukupanzinkana na wano wakawombelamo; ne awana wa sukulu awavilumba, wakaseka, ukutinya nu kuma awasambilizya; swinya awamuvikanza vyansi wamwi wakapanga ivyongo ne wanji wakakwelezya ukulanda pa miwele imizima yino wawa nayo.

 E Baibolo alilivye ibuku lino likalanda pa kuwa ni miwele mizima. Swinya yikalondolola nu mulandu wuno imiwele imiwipe yikuya yikuvulilako mwe ya-a amanda.

 Asa wavule wano wawa ni miwele imizima ukuzingulika insi yonsinye.

•   Akawungwe kamwi aka ku America kano wakakwita ukuti Gallup poll katili imiwele ya wantu ku United States yikuya yikuwipilakovye pa myaka 22 yino yapita.

•   Ne pano wakolowozizye awantu ukucila pe 32,000 ukufuma munsi 28, awavule pe wa-a watili mwe ya-a amanda imiwele ya wantu yawipilako nkaninye nga kulinganya kwe vino calinji kaali.

 E Baibolo yalandapo pamiwele yino tukulola mwe ya-a amanda.

•   “Impindi zyawuyimvi ziliyiza mumanda yakupelelechezya. Awantu waliyikunda, wawe nichami, nukuyitutuwalika, wakayiwanzye; waliwatukana intusi, imintatontela awakwasi wawo, imintasalifya, . . .  nanti nkumbu [swinya] awalombwa,.”—2 Timoti 3:1-3.

 Pa kumanyilapo na vinji pe wo-o uwusesemo, wazyani icipande ca mu cizungu icakuti “Did the Bible Predict the Way People Think and Act Today?”

 Asa mulandu nu kuti imiwele ya wantu yikuya yikuwipikalo, awavule wazana ukuti e Baibolo yikawavwa ukuwa ni miwele mizima. Amuno amano amazima yano yawamo “yakalandalila impindi zyonsi.” (Amalumbo 111:8) Katulandeko pe vino vino yikalanda:

•   Vino Baibolo yikalanda: “Achaleka ivintu vino mukalonda wanji wawachitila avino namwenye muwawachitila.”—Mateyu 7:12.

   Ya-a amazwi yakasula mu kuti: Tuzipizile ukuwa ni cikuku nu mucinzi kwe wanji wulyanye vino tungakunda ukuti avino wacita kwe sweswe.

•   Vino Baibolo yikalanda: “Aleni kanonzi, tayani uwufi! Muwavwanjilana nukusimichila.”—Waefeso 4:25.

   Ya-a amazwi yakasula mu kuti: Tuzipizile ukuwa awa cisinka mwe vino tukalanda nu kucita.

 Nga mukulonda ukumanyilapo na vinji pe ya-a amalyasi, wazyani:

•   Ulupungu lwa kwa Kalinda luno luli nu mutwe wakuti “Cinshi Cingamwafwa—Ukulasala Bwino Ifya Kucita.”

•   Icipande ca mucizungu icakuti “Tolerance—How the Bible Can Help.”