LOLANJI!
Wasayantisiti Wasezizye Katici Inkoloko Yino Ikalanjizya Vino Insi Yili Mupipi nu Kononeka—Acani Cino Baibolo Ikasambilizya?
Pa 24 January 2023, Wasayantisiti walanzile ukuti inkoloko yino wakakwita ukuti Doomsday a yati yapalamila ku ma 24 awaazi. Cino cikwimililako ukuti insi yili mupipi nu kononeka.
“Yo-o inkoloko yalanjililanga vino amawumi ya wantu yali muwusanso. Pe ciwili wasayantisiti walanzile ukuti yo-o inkoloko yasezile vino yisite iselepo. Co-o cacitisile pamulandu na vino vikucitika ndi vino, inkondo ya ku Ukraine, icintinya ca zyankondo muno wakawomvya ama bomu ye poizoni nga na vino imicele yikupiluka-piluka.”—AFP International Text Wire.
Ukulingana ne ABC News “wasayantisiti walanzile pe ciwili ukuti, Inkoloko Yino Ikalanjizya Vino Insi Yili Mupipi nu Kononeka yisezile amasecondi 90 ukuti yifike pakasi kawusiku—co-o cikulanjizya ukuti awantu wapalamizile sana kwe armagedoni.”
“Iwumba lya sayantisiti ukuzinguluka insi, wasosile awantu ukuti amawumi yawo yali muwusanso uwukulu wuno wusitela wuweko ku nsizi.”—The Guardian.
Uzye insi na wantu vili mukononeka? Uzye tuzipizile twatina vino vilicitika kunkolelo? Avyani vino Baibolo yalandapo?
Vino vilicitika kunkolelo
Ukulingana na vino Baibolo yikalanda, “insi yeni ayiliyonganye” swinya muliwa nawantu wano “waliwakwikala umutende munsi iwe ansi yawo pe-na-pe.” (Ekawizya 1:4; Amalumbo 37:29) Fwandi co-o cikusula mukuti awantu wataliyonona yo-o insi nanti ukuyifumyapo.
Lelo, e Baibolo yalandapo pakononeka kwa nsi. Ku cakulolelako, yikalanda ukuti “insi na vyonsi vino vili mwenemo vino awantu wakakumbuchila vilizimanjika nanti ukononeka.”—1 Yohani 2:17.
Pakumanya vino Baibolo yikapiliwula nga yalanda pansilo yansi, wazyani icipande cakuti “Uzye Insi Yili Mukusila? Uzye e Baibolo Ikalanda Ukuti Insi Yiliyononeka?”
Pa kusambilila pe vino Baibolo yikalanda pe vyo vilicitika kunkolelo munsi, wazyani icipande cakuti “Ampindi ci Pano Insi Yilisila?”
Mutasakamikwa
E Baibolo yikatwavwa ukuleka ukusakamikwa asamulandu nintazi zino tukupitamo pe yo-o impindi. Ikatwavwa wuli?
Ikatupandako amano pe vino tungacita. (2 Timoti 3:16, 17) Kucakulolelako wazyani icipande ca muciwemba icakuti “Vino Mungacita pa Kuti Mutasakamikwa Sana” pakuti mulole vino e Baibolo yingamyavwa asamulandu ni ntazi zya mu wumi.
E Baibolo yikatupa isuwilo ilizima ilya kunkolelo. (Waroma 15:4) Yikalondolola vino vingacitika nombanye navino vilicitika kunkolelo, vino vikatwavwa ukutwalilila ukuwa nisuwilo iwome pano tukupita mwevyo vino vikucitika munsi.
Pa kuti mumanyilepo navinji pe Baibolo, tukumiwomelezya ukuti talikani ukusambilila Baibolo ukwasowa ukulipila.
a “Inkoloko Yino Ikalanjizya Vino Insi Yili Mupipi nu Kononeka, ankoloko yino awantu wapanga swinya yibno awantu munsi imvule wakalanda ukuti ikalanjizya impindi yino yisyazileko ukuti vino awantu wakapanga vyonone insi. Yo-o inkoloko, ayakwizusya awantu ukumanya vino wazipizile ukucita pakuti wize wapusuke mwe yo-o insi.”—Bulletin of the Atomic Scientists.
Mungakunda na vyoo
IVYASUKO KU MAWUZYO YA MU BAIBOLO
Uzye Inkondo ya Armagedoni Acani?
Izwi lya kuti “Armagedoni” likazanwavye umuku wonga mwe Baibolo, lelo inkondo yino yikalandwapo yalondololwa mu mawaliko amavulenye.
AMASAMBILIZYO YA MU BAIBOLO AMACINDAME
Acani Cino Leza Walecela Uwuyimvi Ukuya Inkolelo?
E Baibolo ikatunena icasuko cakusansamusya cino tungasuwila.
AMASAMBILIZYO YA MU BAIBOLO AMACINDAME
Acani Cino Leza Welewulizile Insi?
Munsi mwizula vye ivintu iviyembe vino Leza wapanga. Yawa palyanye pano yifwile ukuwa ukufuma kwi lanzi, wayiwika apayane, swinya ikapitila pe sipidi iyiyanane. Amulandu ci wuno e Leza wawombesizye umusango woo pakupanga insi?
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.
