Inkondo ya ku Ukraine, na vino vikufumamo pa mulandu wa kupiluka kwa miceele, vitwalilizile ukulenga munsi yonsinye ivyakulya ukucepa. Yo-o intazi ikuzile na nkani mu ncende muno awantu wafumilila wakasyupika ukuwa ni vyakulya ivikumanile.

•   “Ivyongo vino vikucitika, ukupiluka kwa miceele, amafuuta ukukwela umutengo na vinji, vilenzile yo-o intazi ya vyakulya ukukulilako.”​—E António Guterres, UN secretary-general, July 17, 2023.

•   “Insi ya Russia yafuma mukuzumilizyanya ukwa kutuma ivya kulya ukuvifumya mu Ukraine ukuvitwala mu ncende zinji. Wano wasambilila sana wakulola ukuti co-o cililenga, icipowe insi yonsinye ukuwipilako nkaninyene. Swinya ivyakulya munsi izipina vilikwela nkaninye umutengo, maka maka mu nsi ndi vino North Africa nu Middle East.”​—Atalayar.com, July 23, 2023.

 Mulole vino Baibolo ikalanda pe yo-o intazi yakucepelwa kwa vyakulya pe yo-o impindi na kunkolelo.

•   Yesu walandizile lya nkani ukuti: “Imyiko ilikatucilana; nawo uwufumu nu wufumu: kuliwa ivipowe ni vizumanzi koo na koo.”​—Mateyu 24:7.

•   Ibuku lya mu Baibolo ilya Ukuwumbulika lyalondolola awonsi 4 wano wakwela pa kavwalo. Wenga pe wa-a wano wakwela penepo akakwimililako izya nkondo. E kavwalo wino wamukonka akakwimililako ivipowe, impindi pano ivyakulya vilicepa swinya waliwavikazya pa mutengo uwukulu. Baibolo ikati: “Injinula amindo ndola Kavwalo mutifi. Wino wakwezile pe kavwalonye weyo walemile enamwezyo wachelelezyo chakung’wama mwikasa lyakwe. Injivwa chimwi chapunda ngati alizwi . . . chikuti, ‘intowa yangano ayachilambu chawanda wonga! Nintowa zitatu izyankumba azyachilambu chawanda wonga.’”​—Ukuwumbulika 6:5, 6, Izwi Lyakwe Leza.

 Ya-a amasesemo ya mu Baibolo yano yakalanda pa kucepelwa kwa vyakulya yakuficiliswa yonye impindi yino Baibolo ikakwita ukuti “amanda yakupelelechezya.” (2 Timoti 3:1) Pakumanyilapo na vinji pa “manda yakupelelechezya” na pa wonsi 4 awa mu Ukuwumbulika wano Wakwela pa kavwalo, tambani vidyo yakuti Insi Yapiluka Ukufuma mu 1914 muwazye ni cipande ca mu Ciwemba ica kuti “Awonsi 4 Wano Wakwela pa Kavwalo—Awaweni?”

•   Mwe Baibolo mwawa ukupanda amano ukuzima kuno kungatwavwa ukusipicizya intazi zino tukupitamo, muno musanzizyemo nu kukwela kwa mitengo ukwa vyakulya nanti vipowe. Lolani ivyakulolelako mu cipande cakuti “Ivya Kwikala ni Ndalama Zino Mukweti.”

•   E Baibolo ikatupa ni suwilo lyakuti ivintu vilizipa. Ikatulaya impindi pano ‘ivyakulya vilivula munsi’, pano kutaliwa wino aliwalalila ni nzala. (Amalumbo 72:16) Nga mukulonda ukumanyilapo na vinji pe wo-o uwulayo nu mulandu wuno tungawusuwilila, wazyani icipande cakuti “Isuwilo lya Kuti Ivintu Vilizipa Kunkolelo asa Lyakuvwilika.”