Mu mwezi wa July 2022, insi yonsinye kwalinji amalipoti yakuti yaa amanda kukupya sana ukucila mu cipimo:

•   “Wano wakawombela mu wuteko mu China wakusocela awantu umuku waciti wili ukuti kwandi kupye nkaninye woo umwezi mu misumba mupipi ne 70.”​—Nyuzipepa ya CNN Wire Service iya pa 25 July, 2022.

•   “Mu nsi ya Europe mukukatuka indupya zino zikoca imitengo, pa mulandu wakuti kukupya nkaninye mwe zyoo insi.”​—Nyuzipepa ya The Guardian iya pa 17 July, 2022.

•   “Pa Sabata imisumba imivule iya mu United States yalungwile nkaninye.”​—Nyuzipepa ya The New York Times iya pa 24 July, 2022.

 Amwinye muno vyonsinye vyoo vikusula? Uzye cikusula ukuti insi ilifika apakuti kutaliwa nu wakwikalamo? Avyani vino Baibolo ikalanda?

 Ee. Icilungula cino ciliko pe yoo impindi cilingine na vino Baibolo yalandizile lya nkani ukuti avino viliwacitika mwe yaa amanda. Ku cakulolelako, e Yesu wavwanzile ukuti tuliwa twalola ‘ivintu vyakutinya’” nanti “ivimanyilo vikulu.” (Luka 21:11; Itestamento Lipya) Pa mulandu na vino insi ikulungula ukucila mu cipimo cilenzile awavule watiina ukuti vino awantu wakucita kunsi vililenga yononeke yisyale ayavye.

 Awe. E Leza welewuzile insi ukuwa acifulo umwakwikala awantu amanda pe. (Amalumbo 115:16; Ekawizya 1:4) E Yehova atalite azumilizye awantu ukonona insi. Lelo walaya ukuti aliyonona “wano wakakonona insi”.​—Ukuwumbulika 11:18.

 Mulole ivintu viwili vino Leza walaya ukuti avino alicitila insi yitu:

•   “Ulumpalang’ang’a nalo luliwazevya, namaluwa yaliwawalula mumatololo.” (Ayizeya 35:1) Leza atalitela azumilizye insi ukusyala amatololo, muno mutanga mwikale ica wumi icili consinye. Lelo alizifya monsinye muno mononwa.

•   “Ukatuma imvula kukusayila insi, uleka iwa numuvundo.” (Amalumbo 65:9) E Leza alileka insi yonsinye ukuwa we paradaise.

 Pakumanyilapo na vinji pe vyo woo vino insi ikulungula sana ikuficilisya uwusesemo wa mu Baibolo, wazyani icipande ca mu Cizungu icakuti “Ukucinja kwa Micele na Vino Insi Iliwa Kunkolelo—Vino Baibolo Ikalanda.”

 Pakumanyilapo na vinji pa malayo ya mu Baibolo ayakuti Leza alizifya insi, wazyani icipande ca mu Ciwemba ica kuti “Weweni Wino Alipususya Insi Yitu?”