“Intazi yino tufwile ukuwombelapo nombanyene, andwala ya mumelenganyo ku wacitici. Tuzanile ukuti cino cikulenga nkani, we intaneti.”​—Dr. Vivek Murthy, U.S. surgeon general, New York Times, June 17, 2024.

 Avyani vino awakwasi wangacita pakucinjilila awana wawo? E Baibolo ikatupandako amano.

 Lolani vyo-o ivisinka vya masundo ya mu Baibolo.

 “Umuntu muchenjele akayipechela.”​—Imilumbe 14:15.

 Pa mulandu ni viwipe vino vili mukuwomvya inzila zyakwivwanilamo na wanji izya pa intaneti, mutazipizile ukulola ukuti mpaka nye umwana winu afwile ukutalika ukuwomvya intaneti. Lelo nga mwalola ukuti afwile ukutalika ukuwomvya, lyo pano mutani mumuzumilizye, mufwile ukusinincizya ukuti akuzile mu mano icakuti atanga asumba sana impindi penepo, angawa ni viwuza ivizima swinya angawa na maka yakukana ukutamba nanti ukuwazya vino vingamonona.

•   Nga mukasi ukumanyilapo na vinji, wazyani amalyasi yakuti “Uzye Umwana Wane Atalike Ukwivwana na Wanji pa Intaneti?” and “Vino Mungasambilizya Umwana Winu Uwacitici Ivyakuyicinjilila Pano Akuwomvya Intaneti.”

 ‘Muwawomvya icete impindi yinu.’​—Waefeso 5:16.

 Nga mwazumilizya ukuti umwana winu ukuti awomvya intaneti, lyo mufwile nukumupa amasundo yano azipizile ukukonka pano akuyiwomvya. Mufwile ukumulondololela icete sana vino ya-a amasundo yalimucinjilila. Muwamuwikako sana amano, nga mwalola vye kuno watalika ukucinja pa mulandu wa kuwomvya intaneti, lyo mufwile ukucitapo cimwi paponye pakuti mumucinjilile.

•   Womvyani e vidyo ye twakadoli twakudrowa iyakuti Uwacenjela Pano Ukuwomvya Intaneti ylimwavwa ukumanya umulandu wuno azipizile ukucenjela pano akuwomvya intaneti.

 Baibolo ikatunena ukuti tukwikala “mu manda amatale.” (2 Timoti 3:1-5) Isipelela vye pakutunena wowo, lelo ikatunena nu kupanda amano kuno kukatwavwa ukumanya ivyakwikala mwe yanye amanda. Mwe co-o icipande mulizana ivipande ukufika kwe 20 ivya mu Baibolo vino vingavwa awakwasi na wana wawo pa ndwala ya mu melenganyo ku wacitici.