E lipoti  a ya nsi yonsinye yino wafumizye, yatili pano pali awantu 4 lyo wenga amutalalilwe.

•   “Uwili wensinye asa mulandu na kuno wikalila, angapotwa ukuwa ni viwuza.”​—Chido Mpemba, cochair of the World Health Organization’s Commission on Social Connection.

 Wamwi wakakwelenganya ukuti Wasongo watupu nanti wano wawa vye wonga awano wakatalalilwa. Nomba icisinka acakuti awacitici, wano wawa nu wumi uwuzima nga nawalyanye wano wawa na mang’anda wangatalalilwa

•   E Dokota Viveki Murthy uwa ku U.S watili: “Ukutalalilwa asakuyivwa vye uwuwi awe. Yo-o intazi yakukanawa ni viwuza yingakomesya wumwi zuwa wulyanye vino wino akapepa utusici twe fwaka 15 akawa mu wusanso wakufwa zuwa.”

 E Kelewula witu akalonda twawa na wantu wanji. Ukulonda kwa kwe Leza akwakuti tuwakwivwa icete ukuwa ni viwuza ivizima.

•   Icisinka ca mu Baibolo: “Apano Imfumu e Leza ati: ‘Chisi a chizima umuntu ukuwa wenga.’”​—Intaliko 2:18.

 Leza akalonda tuwe iciwuza cakwe. Watulaya ukuti wandi awapalamila kwe sweswe nga tukwelezya na maka ukumupalamila.​—Jemusi 4:8.

•   Icisinka ca mu Baibolo: “Awansansa wano wamanya kuno wakalonda ivya kwe Leza, amuno Uwufumu wamwi yulu awawo.”​—Mateyu 5:3.

 E Leza akalonda tuwamupepela ponga na wanji. Tukawa sana ni nsansa pano tukucita wo-o.

•   Icisinka ca mu Baibolo: “Tupechelane nukupechelana, tuwakwavwana nukukundana tuwachita ivizima, tutize tuwalechelezya ukuwungana apaliponga, . . . tuyani tuwachinchizyania.”​—Waheberi 10:24, 25.

 Nga mukasi ukumanyilapo na vinji pa mulandu wuno cacindamila ukucita vino vingalenga mutati muwatalalilwa, wazyani icipande cakuti “Pano Ivyakwivwanilamo Vivuzile Apano Awantu Wakutalalilwa na Sana.”