LOLANJI!
2023: Umwaka wa Masakamika—Avyani Vino Baibolo Ikalanda?
Ivintu vino vicitisile mu mwaka wa 2023, vikulanjizya apatiswenye ukuti tuli ku nsilo ya “mumanda yakupelelecezya.” (2 Timoti 3:1) Lolani ukulemenkana kuno kuli pe vyo vikucitika na vino Baibolo yalandizile lyankani ukuti viliwa vyacitika mu manda yakulecelezya.
Vino Baibolo Yalanda na Vino Vikucitika Munsi
“Muliyivwa imbilikiti yisumo yikupalamila, mwivwe nilandwe lyisumo ukutali.”—Mateyu 24:6.
“Ivyongo vikuya vikuvulilakovye mu ncende imvule.” a
Lolani icipande cakuti “Weni Alipususya Awakaele Wano Wakacula ku Nkondo?” ni cakuti “Amawuteko Insi Yonsinye Yasumvile Indalama Ukucila 2 Trillioni Ukwavwilizya Awasilika.”
“Kuliwa Ivizumanzi.”—Marko 13:8.
“Ukufumilila ku kutalika kwa mwaka wa 2023, kucitisile ivizumanzi ivikulu 13 vino visitela vicitikepo.” b
Lolani icipande cakuti “Ku Turkey na ku Syria Kupisile Ivizumanzi Ivikulu.”
“Kulipona ivintu iviwipe.”—Luka 21:11.
E António Guterres, e kalemba wa mu kawungwe ka UN. c watili “Pe yo-o impindi kukulungula nkaninye ukucila vino calinji kali.”
Lolani icipande cakuti “Kukulungula Nkaninye mu 2023.”
“Kuliwa ivinkumbili nanti ivipowe.”—Mateyu 24:7.
“2023: Umwaka na wunji uwa masakamika kwe wano cikawatalila ukusunga indupwa zyawo.” d
Lolani icipande cakuti “Ukucepelwa Ivyakulya pa Mulandu wa Nkondo nu Kupiluka kwa Micele.”
“Impindi zyawuyimvi ziliyiza.”—2 Timoti 3:1.
“Pano pali awantu 8, lyo wenga walwala indwala ya mumelenganyo.” e
Lolani icipande cakuti “Indwala ya mu Melenganyo Ikuya Ikukulilako mu Wacitici.”
Avyani vino tukwenelela mu 2024?
Pasi wino amanyile vino vilicitika mu 2024, lelo vino vikucitika vikulanjizya ukuti nombanye Uwufumu wa kwe Leza nanti Uwuteko wa mwi Yulu, wandi wupyanile pa mawuteko ya wantu nu kufumyapo vino vikatuyimvya nu kutusakamika.—Daniel 2:44; Ukuwumbulika 21:4.
Acino pano tukulindilila ukuti vyo-o vize vicitike, nga twasakamikwa twalenga ukwavwa kwe Yehova. E Baibolo yikati:
“Ponsinye pano intete zyandema, nkasuwila wewenye.”—Amalumbo 56:3.
Tungalanjizya wuli ukuti twasuwila e Leza? Tukumilalika ukusambilila pa masesemo ya mu Baibolo na yanji yano yakalanda pe vino insi yiliwa ukwasowa ukucula. Talikani ukusambilila e Baibolo ukwasowa ukulipila pa kuti mulole ivizima vino mungazana nu lupwa lwinu mu kusambilila pa masesemo ya mu Baibolo.
a Wa Foreign Affairs, “Inkondo Yansi Yonsi: Amulandu ci Wuno Wakapunsizya Ama Bomu nga Kwawa Ivyongo?” e Emma Beals nu Peter Salisbury, pa 30 October , 2023.
b E Lipoti Yino Yikulanda pa Vizumanzi “ Ivizumanzi Ivikulu Vino Vyapisile mu 2023,” May, 2023.
c Akawungwe ka United Nations, “Amazwi ya Kwiyulila Yano Walanzile pa Kunsunkana Kuno Kwalandanga pa Kupiluka kwa Micele,” July 27, 2023.
d Akawungwe Kano Kakalolecesya pa Vyakulya, “Ukucepelwa Ivya Kulya.”
e Akawungwe Kano Kakalolecesya pa Wumi (WHO), “Amazwi Yano Walanzile pa World Mental Health Day,” October 10, 2023.
Mungakunda na vyoo
AMASAMBILIZYO YA MU BAIBOLO AMACINDAME
Uwufumu wa kwe Leza Acani?
Yesu walanzile sana pa Wufumu wa kwe Leza ukucila pa cili consinye. Ukufuma na kaali awasambilizi wakapepela woo Uwufumu ukwiza.
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.
