Cila mwaka, Inte zya kwe Yehova ni mintapendwa ye wano wakakwita, wakalongana ponga mukwizucizya imfwa ya kwe Yesu, wulyanyene vino watunenile ukucita. (Luka 22:19) Ko-o ukulongana kukatwavwa ukwivwicisya uwucindami we vino Yesu wacisile pano wapile uwumi wakwe mu mfwa. Kukatwavwa nukumanya vino imfwa ya kwe Yesu ingakuma uwumi witu pe yo-o impindi na kunkolelo.​—Yohani 3:16.

 Nga cakuti mwazanilweko ku Cisuzyo wo-o umwaka nanti mutazanilweko, avyani vino mungacita pakuti munoncelemo mu mfwa ya kwe Yesu? E Yesu watusambilizizye ukuti tuwacita vyo-o ivintu viwili ivicindame nkaninye:

1.  1. Sambililani pe Leza na pe Yesu. E Yesu wapefile ku Mukwasi wakwe uwakwiyulu nukuvwanga amazwi yakuti: “Woo awuli uwumi wamuyayaya: ukuti awantu wakumanye, wewenye we Leza wakusimichila, nukumanya e Yesu Klistu, wino watumile.”​—Yohani 17:3.

2.  2. Muwacita vino mwasambilila. E Yesu wakonkomencezizye ukuti tuzipizile twawomvya vino watusambilizizye. Ku cakulolelako, pano walandanga Ilyasi lyakwe ilya pa Mwamba walecelezizye na mazwi ya kusalifya wensinye wino “akwivwa amazwi [yakwe] akuyatontela.” (Luka 6:46-48) Ni mpindi yinji wavwanzile amazwi yakuti: “Kanonzi mwamanya ukusimichila vino kuli; achalongo kutaluvile ndi avino mwati muwachita!”​—Yohani 13:17.

 Uzye namwe mutanga mukunde ukumanya ivivule pe Leza nu Yesu? Uzye mutanga mukunde ukumanya ivyakucita pakuwomvya vino mukasambilila? Vino vyakonkapo avino vingamyavwa ukumanya vino mungacita.

 Isambililo lye Baibolo lyavwizye nkaninye awavule ukumanya ivivule pe Baibolo, nukutalika ukuviwomvya. Tusilipilisya nukulipilisya pakusambilila. Awiilanye!

•   Yanji pi fwa lya kuti Yelezya Ukusambilila Baibolo nga mukulonda ukumanyilapo na vinji pe vino cikawa pa kusambilila.

•   Tambani ne vidyo yakuti Ndanji kwi Sambililo lye Baibolo pakulola vino tukasambilila na wantu Baibolo.

 Inte zya kwe Yehova wakalongana imiku yiwili mwe sabata, pa vifulo vyakupepelapo Leza vino wakakwita ukuti Ing’anda ya Wufumu. Pe ko-o ukulongana, tukasambilila pe Baibolo nukulola vino tungawomvya ivyamwenemo mu wumi witu.

 Wensinyene angazanwako, swinya; mutafwile nukuwa Inte ya kwe Yehova pakuzanwako. Ukulingana na vino ivintu vili kuno mwikalila, manda yamwi wakawika nukulonganila pa intaneti, nanti ukuya ku Ng’anda ya Wufumu nyene.

•   Tambani vidyo ya kuti Acani Cikacitika pa Ng’anda ya Wufumu? pakuti mulole vino muliyiza muzane nga mwiza mwalongana nasweswe.

•   Zanani ukwakulonganila mupipi na kuno mwikalila ukupitila mukuya pano patili Ukulongana kwa Nte zya kwe Yehova.

 Amalyasi amavule na mavidyo yano yakazanwa pe yo-o webusayiti yangamyavwa ukusambilila ivivule pe vino Yesu watusambilizizye nu wucindami wa mfwa yakwe.

 Ku cakulolelako, sambililani vino imfwa ya muntu wenga ingapususya imitapendwa ya wantu, wazyani ya-a amalyasi “Uzye e Yesu Akatupususya Wuli?” na “Amulandu ci Wuno Yesu Waculizile nu Kufwa?” nanti tambani e vidyo yakuti Amulandu ci Wuno Yesu Wafwizile?