E António Guterres, e sekiritari wa ku kawungwe ka United Nations, wavwanzile woo mwe lipoti yino wapile pakusunkana kuno kwalinji pa 4 April, 2022, ukuti: “Awantu wakucita ivintu ivivule nkaninye vino vilisuka vituletele amawusanso. Imisumba imikulu ilimwela mu minzi. Kuliwa ivilungula ivikulu. Imiza imiwipe. Aminzi yalisyupa. Ivimelwa ivivule ni vinyama vililowa. Koo asakulumbulizya. Avino wasayansi wakatunena ukuti avino vilifumamo nga cakuti amawuteko yatapilusile mwe vino yakacita munsi”.

 E nyuzipepa ya pa 15 June, 2022 ino yalandanga pa Ntalala yino yacitisile ku Yellowstone iyakuti (Flooding Chaos in Yellowstone, a Sign of Crises to Come,) yatili “Wasayantisiti wakutusocela ukuti kwasyala vye katici lyo amapaka muno tukasunjla inyama mupipi ne 423 aya mu United States yononeka pa mulandu wavilungula vino vikukatuka. Ivintu iviwipe vyo vingacitika, vikwivwika vye ngati amalyasi ya mu Baibolo yano tungawazya pa masanso: umulilo ni ntalala, induzi zya aizi ukusunguluka, ukukatuka kwe wa sumbi nimiza imilungule nkaninye.”

 Uzye yoo intazi ilitele isile? Nga ilisila, lyo weni aliyimala? Mulole vino Baibolo ikalanda.

 E Baibolo ikati e Leza aliyonona “wano wakakonona insi.” (Ukuwumbulika 11:18) Lyo-o iwaliko likatusambilizya ivintu vitatu:

1.  1. Vino awantu wakacita viliyonona insi.

2.  2. Ukonona insi kulisila.

3.  3. E Leza awino alimala yoo intazi, asa wantu awe.

 E Baibolo ikatunena ukuti “insi yeni ayiliyonganye.” (Ekawizya 1:4) Awantu walitwalilila ukwikala munsi amuno yawako umuyayaya.

•   “Awalungamane waliwakwikala umutende munsi iwe ansi yawo pe-na-pe.”​—Amalumbo 37:29.

 Insi yandi yiwe wulyanye vino yalinji pano yapanzilwe vye.

•   “Ulumpalang’ang’a nalo luliwazevya, namaluwa yaliwawalula mu matololo.”​—Ayizeya 35:1.