LOLANJI!
Awantu 6 Milioni Wafwile ku Ndwala kwe COVID—Uzye Acani Cino Baibolo Ikalanda?
Akawungwe ka World Health Organization (WHO), kalanzile ukuti pano cafikanga pa 23 May, 2022, awantu wano wafwile kwe Korona wafisile ne 6.27 milioni. Lelo mwe nyuzi yino wafumizye pa May 5, 2022, akawungwe ka WHO kavwanzile ukuti impendwa ye wano wafwile kwe Korona ayikulu nkaninye ukucila na pe yoo impendwa. Kalanzile ukuti mu mwaka wa 2020 ne 2021, “impendwa ye wano wafwile kwe COVID-19, nanti pa mulandu vye ya kwe yonye indwala yafisile kwe 14.9 milioni.” Uzye e Baibolo yalandapo cimwi pa vya musango woo?
Baibolo yalandizile lya nkani pa vikuko iviwipe
E Yesu walandizile lya nkani ukuti kuliwa ivikuko, nanti, ukusalangana kwa “ndwala imbipe,” pe yoo impindi yino ikakwitwa ukuti “amanda yakupepelechezya.”—Luka 21:11, Baibolo ya Contemporary English Version; 2 Timoti 3:1.
Vyoo vino Yesu wavwanzile vikuficiliswa ilelo. Pakumanyilapo na vinji, wazyani icipande ca kuti “Acimanyilo ci ica ‘Manda ya Kupelelechezya,’ Nanti ‘Impindi zya Nsilo’?“
Baibolo ikatusansamusya
“E Leza wino ukwavwa kwitu kukafuma . . . akatwavwa mu ntazi zitu zyonsi.”—2 Wakorinte 1:3, 4.
Awavule wano wafwilwapo wino wakunda, wazana ukuti amazwi ya mu Baibolo ayano yakawavwa nu kuwasansamusya. Wazizyanipo na vinji mu vipande vya kuti “Vino Vingamyavwa nga Muli nu Wulanda“ na “Vino Vingavwa Wano Wakulosya.“
Baibolo ikatunena cino cilifumyapo vyonsinye vyoo umuyayaya
“Uwufumu wako wize; ukulonda kwako kuchitwe munsi ndivino mwiyulu.”—Mateyu 6:10.
Nombanye “Uwufumu wa kwe Leza” wandi wucitepo cimwi pakuti kutize kuwe uwili wensinye “munsi yitu wino aliwalwala.” (Marko 1:14, 15; Ayizeya 33:24) Tambani vidyo yakuti Uzye Uwufumu wa kwe Leza Acani? pakuti mumanye wonye woo uwuteko wa mwiyulu na ivno wuliyiza wucite.
Sambililani na vinji pe vino Baibolo ikalanda pa kuti yamyavwa mwemwe nu lupwa lwinu nu kumipa isuwilo.
Mungakunda na vyoo
IVYASUKO KU MAWUZYO YA MU BAIBOLO
Avyani Vino Baibolo Yalandapo pa Ndwala Zino Zikupona?
Awantu wamwi wakalanda ukuti e Leza awino akaleta zyo-o indwala pa kuti asunde awantu. Lelo wo-o asa vino Baibolo ikalanda.
IVYASUKO KU MAWUZYO YA MU BAIBOLO
Akwinye Kuno Tungazana Isuwilo?
Ukuwa ni suwilo kungalenga uwumi wako ukuzipilako nukusintilila sana pa malayo ya kwe Yehova.
AMASAMBILIZYO YA MU BAIBOLO AMACINDAME
Acani Cino Leza Walecela Uwuyimvi Ukuya Inkolelo?
E Baibolo ikatunena icasuko cakusansamusya cino tungasuwila.
AMASAMBILIZYO YA MU BAIBOLO
Yelezya Ukusambilila Baibolo
Talika ukusambilila Baibolo uwilanye nu wakukwavwa.
