Pa 27 January  2023, awantu awavule waliwakwizuka awantu wano wakomile (International Holocaust Remembrance Day) Nanti acakuti vyo-o vyacitisile pa myaka 75 yino yapitapo, ncepamwi mungavwambisya ukumanya umulandu wuno walenzile e Leza azumilizizye awantu awavule ukuti wawakome.

•   Pakuti mumanye vino Baibolo yikalandapo, wazyani icipande cino cikati “Amulandu ci Wuno Awantu Wakomelanga awa Yuda mu Nkondo Yansi Yonsi iya Citi Wili? Acani Cino e Leza Atalesezizye co-o Icimusango?”

 Awa Yuda wacuzile nkaninye amuno awano wakomile sana pe yoyo impindi. Pakuti wakome awa Yuda awavule wavwambanga inzila zyakuwakomelamo. Awantu wano walinji mumawumba yanji nawonye wawacuzyanga nu kuwakoma, pe yoyo impindi wakomile awaYuda awavule nkaninye. Pe ya-a amawumba palinji ni Nte zya kwe, wano wawacuzyanga pamulandu navino wazumizilemo.

•   Pakuti mumanyepo navinji wazyani icipande cakuti “Avyani Vino Vyaciticizile Inte Zya Kwe Yehova Pano Kwalinji Inkondo?”

 Awantu awavule wa wanintete amuno wakakwelenganya ukuti vino vyaciticizile awaYuda vingacitika naswinya. Lelo icizima acakuti, e Baibolo yalanda ukuti kunkolelo ivintu ivyamusango wo-o vitaliwacitika.

•   “‘Nenganye nemwenecho a ne muntu namanya ichakuwacitila mwemwe , avino imfumu e Leza wataka wati. Ndileka muwe umutende, muwapocelela chonsi chino mukulolela.’”​—Jeremiya 29:11. a

 Vyo-o vyonsinyene vilicitika pano e Yehova alifumyapo iviwipe vino vikacitika ukuwikakovye niviwipe vino vikafuma mwe vyo awantu wakacita. Ali nukucita vyo nombanye:

•   Alifunyapo awawipe wano wakakoma awawuye.​—Imilumbe 2:22.

•   Alipozya wonsinye wano wakacula.​—Ukuwumbulika 21:4.

•   Alizulupula awafwe .​—Yohani 5:28, 29.

 Tungasuwila vyo-o vino Baibolo yalanda swinya vikatusansamusya. Acino nga mukulonda ukumanya umulandu wuno tungasuwilila vino Baibolo yikalanda. Mukwai tukumilenga ukuti mutalike ukusambilila Baibolo ni Nte zya kwe Yehova.