Mu July 2022, kwacitisile uwunkalwe wakuzungusya insi yonsinye:

•   ““Imfwa ya kwe Shinzo Abe wino walinjipo we Prime Minister, swinya e politishani umumanyikwe nkaninye, yatinizye insi yonsinye maka maka munsi ya Japan muno mutawa sana ivya wunkalwe swinya muno wawomya sana amasundo pa vyakuwomvya imbundusi.”​—Ukulingana ne nyuzipepala ya The Japan Times iyapa 10 July, 2022.

•   “Cazungusizye nkaninye awantu wa mu Denmark pano umonsi wumwi wakomile awantu watatu ni mbundusi pe shopu iyikulu yino wakakwita ukuti Copenhagen.”​—Ukulingana ne nyuzipepala ya Reuters iya pa 4 July, 2022.

•   “Awantu 15 wafwile mu South Africa pano awonsi wamwi watalisile ukupika awantu pa cikulwa cakumwelapo ipaala mwi tawuni lya Soweto.”​—Ukulingana ne nyuzipepala ya The Guardian iya pa10 July, 2022.

•   “Pano kwalinji holide ya pa 4 July, awantu ukucila 220 mu United States wafwile ku mbundusi.”​—Ukulingana ne nyuzipepala ya CBS yino yalinjiko pa 5 July, 2022.

 Uzye kweni uwunkalwe wa musango wo-o wulitela wusile? Avyani vino Baibolo yalandapo?

 E Baibolo yikakwita impindi yino tukwikalamo ukuti “amanda yakupelelechezya,” muno awantu wawa awakalale swinya awankalwe. (2 Timoti 3:1, 3) Wo-o uwunkalwe walenga awantu wakwikala muntete. (Luka 21:11) Lelo nanti ciwe wo-o, e Yehova watulaya mu Baibolo ukuti alinukufumyapo uwunkalwe swinya “mutwaya twawantu wakwe Lea muliwa umutende nanti ntazi zimwi.” (Ayizeya 32:18) Nomba uzye wulisila wuli?

 E Leza aliyonona awawipe ni vyanzo vino wakawomvya.

•   “E Leza aliyonona awawipe ni vyanzo vino wakawomvya.“Ukuwa Leza alisompola [aliyonona] awantu wawipe awafumye munsi.”​—Imilumbe 2:22.

•   “[“[Leza] akalesya isumo nanti inkondo insi yonsi; akavuna amalapwa, ayonona amasumo, ayocha izyankwela pamulilo.”​—Amalumbo 46:9.

 E Leza aliyonona awawipe ni vyanzo vino wakawomvya.

•   “Leza alisambilizya awantu ivya kwikala mumutende pakumala uwunkalwe.“Pakwe Zioni, umwamba wutele uwakwe Leza, pataliwa ichakuchisa chimwi. Insi iliyizula namano ya Mfumu e Leza [Yehova] ndivino aminzi yizula mwakwe wasumbi.”​—Ayizeya 11:9.

•   Napeyonye impindi e Leza akusambilizya awantu insi yonsinye ukuleka ukuwomvya ivyanzo vyonsinye ivya wunkalwe nukuwupata, pakuti ‘wasule impanga [ivyanzo] zyawo ziwe ankundi, namasumo yawo ziwe ankala zyakusanzulila.’​—Mika 4:3.

 Nga mukulonda ukumanyilapo na vinji pe vino Yehova watulaya ukwikala umutende pano kutaliwa icakutuzakazya, wazyani icipande ca mu Cizungu icakuti: “Uzye Tulitela Twikalepo Umutende Ukwasowa Ukutina Cimwi?

 Nga mukulonda ukumanyilapo na vinji pe vino uwunkalwe wulisila, wazyani icipande ca mu Cizungu icakuti: “Munsi Muliwa Umutende!”