LOLANJI!
Uwunkalwe Wuno Wukucitika pa Mulandu na Mapolitikisi—Avyani Vino Baibolo Ikalanda?
Awantu wakusakamikwa nkaninye pa mulandu ni vyongo nu wunkalwe wuno wukucitika mu mapolitikisi.
Uwunkalwe wuno wukucita mu mapolitikisi ku Mexico nga na vino wakomile wano wimilizile 39 ukuti wawavotele, vivulunginye ukuvota kwa mu 2023-2024.
Mu Europe mwacitisile uwunkalwe uwuvule nkaninye mu mapolitikisi, ica kuti pe Citatu pa 15 May, 2024 wakasi nukukoma e prime minister wa ku Sloviakia.
Awantu wonsinye mu United States ciwapezizye nkaninye amano pe vino wamwi wakasi wakome Donald Trump wino walinjipo we Prezidenti na wonye umuku. Yo-o ampindi ya citi wili. Co-o cacitisile pa Sabata pa 15 September, 2024.
Amulandu ci wuno munsi muwezile uwunkalwe wa musango wo-o? Uzye wulitela wusile? Nge Baibolo ikati wuli?
Baibolo yalandizile lyankani vino vikucitika mu mapolitikisi
E Baibolo yalandizile lyankani ukuti mu mpindi yitu, yino yikakwitwa nukuti “impindi zyawuyimvi,” awantu awavule waliwa nimiwele yino yalilenga kwawa uwunkalwe nukupusana.
“Impindi zyawuyimvi ziliyiza mu manda yakupelelechezya. Awantu waliwa . . . Imintasalifya, imintapepa Leza, . . . Wano wasilonda ivipangano, . . . awakalale, . . . wacisanguka, imintasundwa, awacilumba.”—2 Timoti 3:1-4.
E Baibolo yalandizile lyankani ukuti ivimvulunganya vilivula nkaninye mu mpindi zitu. Pe vyo-o ivimvulunganya pawa, awantu ukukatucila uwuteko, ni vyongonye vino tukulola mu mapolitikisi. (Luka 21:9) Lelo nanti ciwe wo-o vyonsinyene vyo-o vitalitwalilila umuyayaya.
Vino uwunkalwe wuno wukucitika mu mapolitikisi wulisila
Baibolo ikatunena ukuti e Leza alifumyapo ya-a amawuteko yonsinye nukupyanizyapo uwuteko wakwe wuno watalika nukuteka kwi yulu.
“E Leza wamwiyulu aliyimika uwufumu. . . ulimongolania amawufumu [yonsinyene ya-a] wuyalovye, weni wize wuwe awufumu amanda yonsi.”—Daniel 2:44.
Uwufumu wa kwe Leza wulilemenkania awantu wonsinye nukuleta umutende munsi.
E Kateka we wo-o uwufumu e Yesu Klistu, akakwitwa ukuti “Imfumu yamutende,” alisinincizya ukuti muwufumu wakwe mwawa “umutende penye.”—Ayizeya 9:6, 7.
Panye pano tukulanda, awatekwa wa kwe wo-o uwufumu, wakusambilila ivyakwikala umutende na wanji. Cino cafumamo acakuti, wa-a wantu wacita wulyanye vino Baibolo ikalanda ukuti: “Walisula impanga zyawo ziwe ankundi na masumo yawo yawe ankala. Imyiko yitaliwalwa isumo [inkondo] swinya, nanti kwelenganya ukulwa isumo.”—Ayizeya 2:3, 4.
Nga mukasi ukumanyilapo na vinji wazyani ilyasi lyakuti “Avyani Vino Uwufumu wa kwe Leza Wulicita?” mutambe ne vidyo yakuti Uzye Uwufumu wa kwe Leza Acani?
Mungakunda na vyoo
LOLANJI!
Awantu waleka ukusuwila Awamuvikanza vyansi—Vino Baibolo Ikalanda?
E Baibolo yikatusoka ukuti tuzipizile ukucennjela na wantu wano tukasuwila swinya ikatunena na wino tungasuwila pakuti twize tuwe nu wumi wa ku nkolelo.
LOLANJI!
Amulandu ci Wuno Ivikanza vya nsi Vikapawulanya Nkani Awantu?—Acani Cino Baibolo Ikalanda?
Konsinye kuno mungaya, awantu wapawunkana pa mulandu wa vikanza vya nsi. E Baibolo ikatunena pe cino cililenga awantu walemenkana, ne kateka wino alikwanisya ukuwalemenkanya.
AMASAMBILIZYO YA MU BAIBOLO
Yelezya Ukusambilila Baibolo
Talika ukusambilila Baibolo uwilanye nu wakukwavwa.
