Akaliwumba kamwi aka vipondo kakatusizye ivyongo ku Haiti. Swinya kuli ivyongo ku South Africa ku Mexico na munsi zimwi mu Latin America. Icakuti na ku ncendenye kuno ivyongo vyacepa, awantu wakwivwa intete nkaninye swinya wakulola ngati watacinjilizilwe amuno wakwivwa amalipoti pa viwipe vino vikucitika ponga ngati akwiwa nu kocela awantu ivintu ku mufulo.

 Avyani vino Baibolo yikalanda pa viwipe vino vikucitika insi yonsinye?

 E Baibolo yalandizile lyankani ukuti uwuwipe wuliwa pa vimanyilo vyakulanjizya ukuti tuli ku “nsilo ya mpindinye yoo.” (Mateyu 24:3) E Yesu walanzile pe vimwi vino vyalinji nu kulanjizya ukuti kuli uwuwipe. Watili:

•   “Uwuwipe wulinyama nanti wulivula wutalalizye nulukundo lwa wavule.”​—Mateyu 24:12.

 E Baibolo yalandizile lya nkani nu kuti “mumanda yakupelelecezya” awantu waliwa “awalombwa, wachisanguka, wano wapata uwuzima.” (2 Timoti 3:1-5) Yo-o imiwele yalenga kuwe uwuwipe nkaninye munsi.

 Lelo kwawa vino Baibolo yatulaya asa mulandu nu wuwipe ukuvula munsi. Yalanda ukuti uwuwipe wuli nu kufumapo nombanye.

•   “Patachizimbanga pano awawipe walisowa napano walyata, chingatenga wati uwavwambe, utanga uwazane. Ukuwa awatekane waliyikala umutende munsi walange wal’umutendenye.”​—Amalumbo 37:10, 11.

 Wazyani ivipande vino vyakonkapo pakumanyilapo na vinji pa malayo ya mu Baibolo na pe vino vingalenga musuwile ukuti vino vikucitika mwe ya-a amanda vikuficilisya vino Baibolo yalandizile lyankani.

 “Isubilo lya Kuti Ifintu Fikawama ku Ntanshi lya Cine”

 “Finshi Twingeshibilako Inshiku sha Kulekelesha, Nelyo ‘Inshita ya Mpela’?”

 “Did the Bible Predict the Way People Think and Act Today?”