LOLANJI!
Uzye Amawuteko Yangawombela Ponga pa Kumala Intazi ya Kucinja kwa Miza?—Acani Cino Baibolo Ikalanda?
Ukusunkana kuno kwalinjiko ukwa United Nations pa kuzifyako imiceele kwasizile pa Sabata pa November 20, 2022. Pe ko-o ukusunkana, intunguluzi zino zyazanilwe zyazumilizinye ukutumila insi impina indalama zyakuwomvya kukwavwilizya ku ntazi ya miceele yino italisile ukuwako. Nomba nanti ciwe wo-o, awavule walanzile ukuti co-o cino zyo-o intulunguluzi zicisile asa cino cingamala yo-o intazi.
Lelo tumanyile nukumanya ukuti co-o citamazile intazi . . . Insi yitu yicili ili muntazi imbipe.
Wasongo na watici wakusakamala nkaninye pe vino insi yitu iliwa ko-o kunkolelo kuno tukuya. Nomba uzye amawuteko yangawombela vye ponga pakuficilisya vino yakalaya pakuzifya imiceele ya nsi? Avyani vino Baibolo ikalanda?
Uzye awa muwuteko waliwombelavye ponga pakumala intazi ya miceele?
E Baibolo ikatunena ukuti nanti acakuti amawuteko yangawombesya wulinye ukuzifyako vimwi ku miceele, watalitela wafumyepo yo-o intazi. Ni milandu ayo-o yiwili yino mwandi mulole:
-
Cikusula mukuti: Amawuteko yatanga yacite vyonsinye vino yakalonda ukucita amuno swe wantu tutapanjizilwe ukuyiteka. (Jeremiya 10:23) Nanti amawuteko yangawombela wuli ponga na mawuteko yonsinyene munsi, watanga wamale intazi zino zyawa munsi, asa mulandu na vino wangelezya na maka ukuwombesya.
-
Cikusula mukuti: E Baibolo yalandizile lya nkani ukuti awantu awavule mwe ya-a amanda waliyikunda swinya wataliwayikundila ukuwombela ponga pakuti vizipile wanji.
Umulandu wuno tufwile ukuwela ni suwilo
Cino cilizifya insi, asa mawuteko ya wantu, asa mulandu navino wangalaya nukulanda. E Leza wasola e Kateka wino aliyiza azifye insi yitu, we-e we Yesu Klistu. Baibolo ikalanda pe Yesu ukuti:
Aliwakwitwa, Ankombe yamano. E Leza wamaka, Etata wa muyayaya, Imfumu yamutende.”—Ayizeya 9:6.
E Yesu amfumu ya Wufumu wa kwe Leza, nanti uwuteko. (Mateyu 6:10) Wawa na maka na mano yakusakamala insi yiitu na wano wikala mwenemo swinya acino akalondesya nkaninye ukucita. (Amalumbo 72:12, 16) Uwuteko wa kwi yulu wuliyonona wano “wakakonona” insi nukulenga yiwe ayizima ndi vino yalinji pa kutalika.—Ukuwumbulika 11:18; Ayizeya 35:1, 7.
Pakumanyilapo na vinji pe cino cilimala intazi ya kupiluka kwa miza, wazyani icipande ca mu Ciwemba ica kuti “Ukupiluka kwa Miceele na Vino Yiliwa ku Nkolelo—Avyani Vino Baibolo Yalandapo?”
Mungakunda na vyoo
AMASAMBILIZYO YA MU BAIBOLO AMACINDAME
Uwufumu wa kwe Leza Acani?
Yesu walanzile sana pa Wufumu wa kwe Leza ukucila pa cili consinye. Ukufuma na kaali awasambilizi wakapepela woo Uwufumu ukwiza.
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.
