LOLANJI!
Uzye Molimonye Indwizyo Zyakucimvyanya, Zingalemenkanya Awantu?—Vino Baibolo Yikalanda?
Awantu ku ma 5 billioni mu 2024, awano wakutamba kuno awantu ukufuma mu nsi 206 wakuteya Indwizyo Zyakucimvyanya zino wakakwita ukuti Summer Olympics. E Thomas Bach e presidenti wa kawungwe ka International Olympic Committee walanzile ukuti “Twawa mu kawungwe kano kakalemenkanya awantu mu nsi nu kuleta umutende,” walanzile nu kuti “Lekani tucindike nu kutunjilila zyo-o indwizyo zino zikalenga awantu ukulemenkana nu kwikala umutende nanti acakuti twapusana pusana.”
Uzye molimonye indwizyo zyakucimyanya zingalenga kuwe ukulemenkana? Uzye tungasuwila ukuti kuliwa ukulemenkana nu mutende wacisinka?
Uzye zilileta umutende nu kulemenkana?
Wo-o umwaka indwizyo zyakucimvyanya, zilenzile awantu ukuwakwelenganya pa vicile na pa ndwizyo. Zyalanjizezye ivya ma politikisi vino vikalenga awantu ukukanawa awalemenkane. Pe vyo-o pali insambu zya wantu, akapatulula ka nkanda, akapatulula ka mipepele nga nu kukanawa nu mulinganya.
Indwizyo zino awantu ukufuma mu nsi indekane ndekane wakateya, zyawa avyakulesezyamo icitendwe. Nanti ciwe wo-o, munzila yakulenga awantu ukuwa awamutende swinya awalemenkane, zyo-o indwizyo zikalenga awantu ukuwa ni miwele nu kucita ivintu vino vikalenga awapatukana.
E Baibolo yalandizile lyankani ukuti, awantu waliwa ni miwele yino yililenga catala ukuwa awalemenkane mu nsi. (2 Timoti 3:1-5) Pakumanyilapo na vinji pe wo-o uwusesemo wa mu Baibolo, wazyani icipande cakuti; “Did the Bible Predict the Way People Think and Act Today?” [Uzye Baibolo Yalandizile Lyankani Vino Awantu Wakakwelenganya Nukucita mwe ya-a Amanda]
Isuwilo lyeneco lyeneco ilya kulemenkana nu mutende mu nsi
E Baibolo yalanda pi suwilo lyakuti kuliwa umutende nu kulemenkana mu nsi yonsinye. Yalaya ukuti awantu wonsinye mu nsi waliwatekwa nu wuteko wa kwi yulu wuno wukakwitwa ukuti “Uwufumu wakwe Leza.”—Luka 4:43; Mateyu 6:10.
E Yesu Klistu Imfumu ye wo-o Uwufumu, alileta umutende mu nsi yonsinye. E Baibolo yikalanda ukuti:
“Sivyo alanga amulungamane uwulanzi wakwe wonsi, numutende wulandalile ponsi pano umwezi wukuwala.”—Amalumbo 72:7.
“Akatula awalanda wano wakumulilila . . . Akawatula kuwikwelengulo nawalombwa.”—Amalumbo 72:12, 14.
Na mwe yanye amanda, vino Yesu wasambilizyanga vikulemenkanya ama millioni ya wantu mu nsi 239. Inte zya kwe Yehova ukuzingulka insi yonsiye wasambilila ivyakuwa nu mutende. Pakumanya vino wacita wo-o, wazyani Ulupungu lwa mu Ciwemba ulwa kuti “Ifyo Twingacita pa Kuti Twilaba no Lupato.”
Mungakunda na vyoo
AMASAMBILIZYO YA MU BAIBOLO AMACINDAME
Uwufumu wa kwe Leza Acani?
Yesu walanzile sana pa Wufumu wa kwe Leza ukucila pa cili consinye. Ukufuma na kaali awasambilizi wakapepela woo Uwufumu ukwiza.
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.
