LOLANJI!
Avyani Vino Baibolo Ikalanda pa Kupepa Amakolania?
Ukulingana ne nyuzipepa yakuti Catholic News Service pe Papa Francis wino wimilile pa nkolelo yikolania lya kwe Mariya, po kwalinji ukuzevya pa St. Peter’s Basilica pa March 25, 2022, yatili wimilile “lyo aziwite nukuziwata, akontamisile nu mutwe pano akupepa ipepo lya mumwezo, akulambilizyanga e Mariya” ukuti munsi muwe umutende. E nyuzipepa ya Vatican yakonkinyepo nukuti “e Papa wapefile pakupala awantu, maka maka pa nkondo yino ili ku Russia ne Ukraine, napakutonsya umwezo wa kwe Mariya.”
Mukuti po wuli? Uzye cawa icetenye ukupepa ku makolania nanti ukuyawomvya pakupepa? Yelenganiani pa mawaliko yano yakonkapo:
“Utiyize uwayichitila ikolania, nanti alikolano lyachintu chimwi icha mwi yulu, nanti achamunsi-nye moo, nanti achamuminzi pansi munsi-nye yoo. Utize uwafukamila ikolania limwi nanti akulilumbula utize uwalilumbula, amuno ne Mfumu e Leza wako, ne Leza wawuzuwa.”—Ukufuma 20:4, 5. a
“Twaleza twawo twamatwa ne silivara nu golide. Twachitwa namakasa yawantu. Tuli nimilomo, lelo tutanga tuvwange, tuli naminso, lelo tutanga tulole. Tuli namakutwi lelo tutanga twivwe, nimpunonye tuli nazyo lelo tutanga tununsye. Tuli na makasa lelo tutanga tuleme chimwi, namanamanye tuli nayo lelo tutanga tupite, swinya tutanga tume nanti amutikimbo. Sivyo wano watuchita nawonsi wano wakatusuwila awakolana namakolania-nye yayo yano welewula.”—Amalumbo 115:4-8.
‘Nene ne Yehova. Alili izina lyane. Pasi kaleza kamwi kano ingikala nako mukuchindamikwa kwane. Ntanga ndeke amakolania nayo yalumbulwa ndivino nene.’—Ayizeya 42:8.
“Lewukani ukupepa amakolania.”—1 Wakorinte 10:14.
“Yichinjililani kwe twaleza twawufi.”—1 Yohani 5:21.
Pakumanyilapo na vinji pe vino Baibolo ikalanda mukuwomvya amakolania mukupepa, wazyani icipande cakuti “Avyani Vino Baibolo Ikalanda pa Makolania” nanti tambani e vidyo yakuti Uzye e Leza Akazumilizya Ukuwomvya Amakolania pa Kupepa?
Lolani vino Baibolo ikalanda na pe yaa amalyasi:
“Avyani Vino e Baibolo Ikalanda pe Mariya na Cisungu?”
“Uzye Muzipizile Ukupepa kwe Mariya na Cisungu?”
“Uzye Ivizungusyo nu Kulola Ivintu Iviyiwele Avimanyisyo vya kwe Leza?”
“Acani Cino Cilileta Umutende Munsi?”
Photo credit: Vincenzo Pinto/AFP via Getty Images
a Izina lya kuti Yehova, alizina lya kwe Leza. (Amalumbo 83:18) Lolani icipande ca kuti “Uzye e Yehova Weweni?”
Mungakunda na vyoo
AMASAMBILIZYO YA MU BAIBOLO AMACINDAME
Uzye e Leza Akazumilizya Ukuwomvya Amakolania pa Kumupepa?
Uzye amakolania yangatwavwa ukuyivwa ukuti tupalamizile kwe Leza wino tutalitela tulole?
AMASAMBILIZYO YA MU BAIBOLO AMACINDAME
Uzye e Leza Akapocelela Imipepele Yonsinye?
Awantu awavule wazumila mukuti ungapepa ukuli konsinye kuno ukulonda. Ungasolapo ukuli konsinye kuno ukulonda uwapepa.
LOLANJI!
Avyani Vino Baibolo Yalandapo pa Mipepele Yino Ikuyisanzya mu Nkondo ya ku Ukraine?
Intunguluzi zya mapepo ku mbali zyonsinye zikucita ivipusaneko na vino e Yesu wasambilizizye awasambilizi wa kwe ukuti wacita nukukanacita.
AMASAMBILIZYO YA MU BAIBOLO
Yelezya Ukusambilila Baibolo
Talika ukusambilila Baibolo uwilanye nu wakukwavwa.
