Awantu awavule ukuzinguluka insi yonsinye wakasipicizya intazi zino mulamba akaleta. Lekani tulandeko pa malipoti yamwi pe vino vikucitika:

•   “Amanda yatici yano yapita, awamu musumba uwukulu uwaku china wapimile ukuti, imvula yatonyile nkaninye ukucila vino yatonyanga ku myaka mupipi ne 140 yino yapita. Wazanile ukuti, ukutalika pa Ciwelusi ukufika pe Citatu yatonyile icipimo ca malita 0.7448.”​—AP News, August 2, 2023.

•   “Cino wakakwita ukuti Typhoon Khanun, calesile imvula ni cimuza ca maka ku ncende yimwi ku Japan. Icakuti pe Cini cakomile awantu wawili. . . . Wakwenecela icimuza ukuleta imvula amamita 0.6 (2 feet) ku central Taiwan kuno kwawa imyamba.”​—Deutsche Welle, August 3, 2023.

•   “Imvula yino yatonyanga na maka ku [Nova Scotia], yalenzile kuwe e mulamba wino wononile ivintu mu citungu ca Atlantic Canada.”​—BBC News, July 24, 2023.

 Avyani vino Baibolo yalandapo pe vyo-o vino vikucitika?

 E Baibolo yikalanda ukuti tukwikala “mumanda yakupelelecezya.” (2 Timoti 3:1) E Yesu walandizile lyankani ukuti, mulilola “ivintu viwipe ivikulu,” nanti ivyakutinya. (Luka 21:11) Ukupiluka kwa micele kukalenga kuwe ivyakutinya ivikulu vino vikacitika lyonsinye swinya vino tutanga tuwe na maka yakupilula.

 E Baibolo yikatunena ukuti iviwipe vyonsinye ivya kutinya vino vikacitika munsi vikalenga tuwe ni suwilo. Amulandu ci? Amuno Yesu walanzile ukuti: “Ndimwiza mwalola ivintunye vyoo vyati aviwapona, mwize mumanyangenye muti Uwufumu wakwe Leza wanenencela ukwiza.”​—Luka 21:31; Mateyu 24:3.

 Vino vikucitika vikalanjizya ukuti, nombanye Uwufumu wakwe Leza wandi wulenge ivintu ukuwa icete ukuwikako ni mitonyele ya mvula.​—Job 36:27, 28; Amalumbo 107:29.

 Pa kumanya vino Uwufumu wa kwe Leza wulizifya ivintu munsi, wazyani icipande ca mu ciwemba icakuti “Weweni Wino Alipususya Insi?”