LOLANJI!
Weweni Wino Mungasuwila?—Avyani Vino Baibolo Ikalanda?
Awantu cikawaluma nkaninye nga wazana ukuti wilyanye wino wasuwila, wakana ukucita vino wakalonda. Awavule waleka ukusuwila . . .
intunguluzi zya mapolitiki zino zikawika vye amano pe vino zikulonda ukucila pe vino awantu wakulonda.
amalyasi ya pa milawasa yano yakamwamilavye uluwali longa nu kufisa icisinka.
wasayantisiti wano wasicitila awantu vino vingawazipila.
intunguluzi zya mapepo zino zikayisanzya mu vikanza vyansi ukucila ukuwika vye amano kukwimililako Leza.
Wo-o vino wakacita vyawa icetenye amuno cila muntu afwile ukucenjela sana pe wino akulonda ukusuwila. E Baibolo ikatusocela ukuti:
“Utize uwasuwila muwutunguluzi wawuntu, nanti winjinye wensi wino atanga akutule.”—Amalumbo 146:3, Izwi Lyakwe Leza.
Wino ungasuwila
E Baibolo ikawumbula wumwi wino mungasuwila; We-e we Yesu Klistu. Asa muntu vye umuzima wino wisile imyaka yimwi ku nsizi. Leza wamusola ukuwa “Amfumu . . . , Uwufumu wakwe wutalisila nawanda.” (Luka 1:32, 33) E Yesu Amfumu ya Wufumu wa kwe Leza, uwuteko wuno wukutecela mwi yulu.—Mateyu 6:10.
Nga mukulonda ukumanya umulandu wuno mungasuwilila Yesu, wazyani amalyasi yano yakuti “Uzye Imfumu ya Wufumu wa kwe Leza weweni?” ni lyakuti “Avyani Vino Uwufumu wa kwe Leza Wulimalilicizya?”
Mungakunda na vyoo
AMASAMBILIZYO YA MU BAIBOLO AMACINDAME
Uwufumu wa kwe Leza Acani?
Yesu walanzile sana pa Wufumu wa kwe Leza ukucila pa cili consinye. Ukufuma na kaali awasambilizi wakapepela woo Uwufumu ukwiza.
AMASAMBILIZYO YA MU BAIBOLO AMACINDAME
Uzye Tungasinincizya Wuli Ukuti e Baibolo aya Cisinka?
Nga cakuti amazwi yano yawamo yafuma kwe Leza, lyo yifwile ukupusanako na mabuku yanji yano awantu walembapo.
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
