Pano tukuwazya Baibolo twawomvya ivya kutwavwa ivilekane lekane pa kwivwicisya vino tukuyisambilizya. Tusivwambilizya ivyewo na vinji pa kuti vye tumanye ivivule pa vya mu Baibolo. Lelo tukalonda ukumanya imiwele ya kwe Yehova pa kuti tumukundileko. Pa kucita wo-o, tuzipizile ukuyikolowozya ukuti, ‘Uzye lyo-o ilyasi lya mu Baibolo likunsambilizya vyani pe Yehova?’

Ku cakulolelako, mungelezya ukuvwambilizya ivyewo vino vikalanjizya vyo Yehova wawa nu lukundo, amano, umulinganya, na maka. Lelo nanti ciwe wo-o, kwawa imiwele na yinji yino tungasambilila pe Yehova. Akwinye kuno mungazana ivyewo vino vingamyavwa ukumanya imiwele yakwe?

Lolani mwi buku lyakuti Icitabo ca Kwafwa Inte sha kwa Yehova Ukusanga Ifyebo pa mutwe wakuti “Yehova Lesa” apano muye pano watili “Imibele ya kwa Yehova.” Swinya konkani imiwele yilyanye yino temwazana pano temukuyisambilizya Baibolo.”