AKAMBOKOSI KA VYAKUCITA
Vino Mungacita Pano Mukuyisambilizya na pa Mapepo ya Lupwa
Tusipepa vye e Yehova pano twalongana ngati aliwumba, pa kulongana kwa muputule nanti ukwa citungu, lelo tukamupepa na pano tukuyisambilizya pa lwitu na pano tuli pa mapepo ya lupwa. Lekani tulandeko pe vimwi vino mungacita pano mukuyisambilizya na pano muli pa mapepo ya lupwa:
-
Mwapekanya ukulongana. Mwasambilila indwimbo nu kwavwa awa mu lupwa wenga na wenga ukupekanya vino wangaya wasukepo pa kulongana.
-
Mwawazyako amalyasi ya mu Baibolo. Pa nsizi ya kuwazya mwadulowako icikope cino cikulanjizya vino vyacitikanga nanti ukulembako vimwi vino mwasambilila.
-
Mwawazya pa mapepo yano yalembwa mu Baibolo nu kulanzyanya vino yangamyavwa ukuzifyako amapepo yinu.
-
Mwatambako ama vidyo yano watupekanizizya kwi wungwe lya kwe Yehova nu kulanzyanya. Nanti mungalembako ivyewo vimwi pe vidyo yino temwatamba.
-
Mwayipekanya pano mutani muye mukuwizya. Ku cakulolelako, ncepamwi mungalanjilila ne lupwa wumwi ivya kuya mukulanzyanya na wantu.
-
Mwatamba ivyelewulwa nu kwelenganyapo nanti mwalanzyanya pe vino vikumisambilizya pe Yehova. a
a Lolani icipande cakuti “Mwasambilila pe Yehova kwe Vino Welewula” mu Ulupungu lwa kwe Malonda ulwa March 2023.