ICISINKA CA MU BAIBOLO
Uzye Mwawa ni Suwilo?
Tuzipizile ukuwa ni suwilo pakuti twasecelesya Yehova. Lelo nanti ciwe wo-o, e Baibolo yikalanda ukuti wamwi “watasuwila amazwi.” (2 Tes. 3:2) Pano umutumwa Paulo walandanga ya-a amazwi, walozyanga ku “wantu wawipe awawembu” wano wamucuzyanga. Lelo ya-a amazwi yano walanzile yangalozya na ku wantu wanjinye. Awantu wamwi watasuwila ukuti kwawa e Leza wino welewula ivintu vyonsinye. (Roma. 1:20) Ne wamwi wangalanda ukuti wasuwila mwe Leza, lelo lyo-o asa lilivye isuwilo lino likalondekwa pakuti tuwasecelesya Yehova.
Tuzipizile ukusinincizya ukuti e Yehova akuno wawa nu kuti ‘akalambula’ wonsinye wano wamusuwila. (Hebe. 11:6) Isuwilo lyawa pa vikomwa vya ku muzimu. Acino pakuti Yehova atupe umuzimu wakwe uwutele, tuzipizile ukumulenga mwi pepo. (Luk. 11:9, 10, 13) Vinji vino tuzipizile ukucita pakuti e Yehova atupe umuzimu wakwe, akuwazya Izwi lyakwe Baibolo, ukwelenganyapo nu kuwomvya vino twasambilila. Nga tukucita wo-o, tuliwa ni suwilo lino lililenga twasecelesya Yehova.