IVYA KUCITA PANO MUKUYISAMBILIZYA
Cino Cingamyavwa Ukusipicizya nga Wamifyenga
Wazyani Intaliko 37:23-28; 39:17-23 pa kusambililako kwe Jozefu pe vino mungasipicizya pano wakumicuzya.
Manyani ilyasi lyonsi. Amulandu ci wuno wacuzizyanga e Jozefu? (Inta. 37:3-11; 39:1, 6-10) Awutali wa mpindi wuli yino walinji nu kusipicizya pano wamucuzyanga? (Inta. 37:2; 41:46) Uzye pe yoyo impindi, avyani vino Yehova wacisile kwe Jozefu swinya avyani vino atacisile?—Inta. 39:2, 21; w23.01 17 ¶13.
Manyilanipo na vinji. E Baibolo yitalandapo ukuti e Jozefu watalisile ukuyipokolola pano e muka Potifa wamuwipizizye. Uzye amawaliko yano yakonkapo yangatwavwa wuli ukumanya cino calenzile asolepo ukukanalanda icili consinye pe vino vyacitisile? Swinya yangatwavwa wuli ukukana yelenganya ukuti wanga vyonsinye vilembwe? (Imilu. 20:2; Yoha. 21:25; Imili. 21:37) Amiwele ci yino yavwizye e Jozefu ukusipicizya pano wamufyenzile?—Mika 7:7; Luk. 14:11; Jemu. 1:2, 3.
Vino mukusambililako. Yikolowozyani ukuti:
-
‘Avyani vino nzipizile ukwenecela pano nkakonka e Yesu?’ (Luk. 21:12, 16, 17; Hebe. 10:33, 34)
-
‘Avyani vino nzipizile ukucita pe yo-o impindi pakuti njize nsipicizye nga cakuti watalika ukuncuzya?’ (Amalu. 62:7, 8; 105:17-19; w19.07 2-7)