Uzye mungakunda ukuwayitopwa pano mukuyisambilizya? Vyo-o vino vyakonkapo vingamyavwa:

• Solani incende iyizima. Solani incende kuno kuli ukwawusaka swinya kuno mungawazya icete. Mungasenda icilimba cakwikalila nanti ukwikalavye pansi.

• Yanji kuno kusi icongo. E Yesu wayanga mukupepa umutondo tondo ‘pano ilanzi litani lifume’ swinya “ukuvwame.” (Mar. 1:35) Nga cakuti kusi kunji kuno mungaya kuno kusi icongo, munganena awa mu lupwa lwinu ukuti mwatalika ukuwazya pakuti watamipumvyanya.

• Mwawikako amano. Mutaleka ivintu vinji vyamipumvyanya. Nga cakuti mukuwomvya e foni nanti e tabuleti mwaviwika apakuti kutange kwize ama meseji nanti ivintu vinji vino vingamipumvyanya. Nga cakuti mwatalika ukwelenganya pe vinji pano mukuwazya, cingazipa ukuvilemba pamwi pakuti mwize muviwombelepo pano mwamala. Ne nga musakwivwicisya pano mukuwazya, cingazipa ukulekako katici nu kuyololako.