Uzye mukatela amwiwililapo vino mwafuma mukuwazya paponye? Swe wavule co-o catuciticilapo imiku imivule. Nomba acani cino cingamyavwa? Mwapituluka mu visinka vikulu.

Pano mukuwazya, mwatela amwimililako nu kwelenganya pe vino mukusambililako. Wonye avino umutumwa Paulo wawomelezizye awanawitu na wankazi mwe kalata yino wawalembezile ukuti avino wazipizile wacita pano wakuyisambilizya. Watili: “Ichikulu nkani pakwe vyonsi achoo.” (Hebe. 8:1) Wawomvizye ya-a amazwi pakuwavwa ukumanya cino walandangapo na vino ivisinka vyonsinye vino vyalinji mwe kalata vyalemenkine.

Mwapawulako impindi, akuli ukuti mwasyako amamineti nanti 10 ayakwelenganya pa visinka vikulu vino temwawazya. Nga cakuti mwapotwa ukwizuka vino temukuwazya, mwanyocelela ukuwazya utumitwe na mazwi yakutalicilako mwe cila paragrafu pakuti cimyavwe ukwizuka. Ne nga mwasambilila icipya cimwi, mwakwelezya ukucilanda mu mazwi yinu. Nga mukupituluka mu visinka vikulu, mutaliwakwizukavye vino temukuwazya lelo cilimyavwa nu kulola vino mungawomvya vyovyo ivyewo mu wumi winu.