Uzye e Leza Wawa na Mazina Yanga?
Vino Baibolo ikakwasuka
Wawa ni zina lyonganye. Lyo-o izina likalembwa wo-o יהוה mu ciHeberi. Mu Cinamwanga likalumbulwa ukuti “Yehova”. a Ukupitila mwe kasesema wakwe e Ayizeya, e Leza watili: “Ne Yehova. Lyo-o alili izina lyane.” (Ayizeya 42:8, NWT) Lyo-o izina likazanwa kwela imiku 7,000 mu vimvungwa vya kaali ivye Baibolo. Alino lyalumbulwa imiku imivule ukulusye pa mazina yanji yano e Leza wawa nayo, nanti izina lya muntu uwuli wensinye. b
Uzye kwawa na yanji amazina ya kwe Yehova?
Cingatenga e Baibolo ikalanda pe Leza mwi zina lyakwe lyonganye, yikamulandila mu malumbo na mazwi amavule. Amalumbo yano yakonkapo nu wulondolozi wa kwe yoliyo wukutwavwa ukumanya vino amalumbo yakalanjizya vino e Yehova wawa.
Ilumbo |
Muno mwawa lyo-o ilumbo |
Muno lyasula |
|---|---|---|
Alah |
(Pasi) |
Lyafuma mu ci Arabic, izwi lyakuti “Allah” asa lizina awe alilumbo lino likasula ukuti “Leza.” Amawupiliwulo ye Baibolo aya mu ciArabic ni ndimi zinji yakawomvya “Allah” ukupyanicizya pi zwi lya kuti “Leza.” |
Uwa Maka Yonsi |
Pasi wino angamulwisya ku maka. Izwi lya ciHeberi ilya kuti ʼEl Shad·daiʹ, “Leza wa Maka Yonsi,” likazanwa imiku 7 mwe Baibolo. |
|
Alfa nu Omega |
“Intaliko swinya impelo,” nanti “uwa kutalika swinya uwa kupelelecezya,” yakasula ukuti kusitela kuwe e Leza uwili wensinye pe Yehova uwa Maka Yonsinye swinya kutalitela kuwe. (Ayizeya 43:10) E Alfa acilembo ca kutalicilapo mu vilembo vya ciGriki ne Omega acilembo ca kulecelezya mu vilembo vya ciGriki. |
|
Uwa wumi wape |
Atawa ni ntalicilo; wawako ku ciyayaya ukucila uwili wensinye napano icili consinye citani ciweko.—Amalumbo 90:2. |
|
Kelewula |
Walenzile ivintu vyonsinye ukuwako. |
|
Tata |
E Kapa wawumi. |
|
Leza |
Cino cizipizile ukupepwa; iciwome. Izwi lya ciHeberi ilya kuti ʼElo·himʹ likalanda pa vivule, nga waliwomvya lyo likulanjilila uwunkankala wa kwe Yehova, nu kuyemba kwakwe. |
|
Leza umukulu ukulusye twaleza tonsi |
We Leza wino wakulisya, nga kumulinganya ‘kwe twaleza twavye’ tuno awantu wamwi wakapepa.—Ayizeya 2:8. |
|
Kelewula Mukulu |
Walenzile vyonsinye ukuwako.—Ukuwumbulika 4:11. |
|
Kivwa wa mapepo |
Akakwivwa kwi pepo lyonga na lyonga lino awantu wakapepa kwe weliwe mwi suwilo. |
|
Ne Ndipo ne Muntu Ndipo |
Ukufuma 3:14, Baibolo ya King James Version |
Akawa icili consinye cino akulonda pa kuti aficilisye ukulonda kwakwe. Ya-a amazwi yapiliwulwa nu kuti “Ndiwa consinye cino nakunda” nanti “Ndiwa Cino Nasolapo Ukuwa.” (Ukulingana ne Baibolo ya The Emphasised Bible, iya kwe J. B. Rotherham; New World Translation) Ya-a amazwi yakatwavwa ukulondolola icete muno mwasula izina lya kwe Leza ilya kuti Yehova lino lyalandwapo mwe versi yino yakonkapo, nanti aca kuti lyo-o izina walifumyamo mwe Baibolo ya Cinamwanga na mu ma Baibolo yanji mwe versi yino yakonkapo.—Ukufuma 3:15. |
Uwuzuwa |
Ukufuma 34:14, King James Version |
Akalonda ukupepwa vye wenganye. Lyo-o izwi likapiliwulwa nu kuti “asilonda uwa kulwisyanya nawe” swinya “wamanyikwa ukuti akalonda ukupepwa vye wenga.”—God’s Word Bible; New World Translation. |
Mfumu ya muyayaya |
Wukateka wakwe wutawa ni ntaliko ni nsilo. |
|
Umutele Wenga |
Umutele nkani, (awawusaka mwe vyonsinye) kutawa nanti wumwi wino wangalingana nawe kuwusaka. |
|
Nakamata |
Wawa na maka pa wantu na pa nko zyonsinye, wulyanye vino e nakamata wawa na maka pi vu.—Waroma 9:20, 21. |
|
Katula |
Akatula ukufuma ku wusanso nanti ku wononi. |
|
Umucemi |
Akasakamala wakapepa wakwe nkaninye. |
Ukuwika amazina mu Mawaliko ya ciHeberi
Wamwi wakawika amazina mwe Baibolo ukusanzyako ni zina lya kwe Leza, lelo ya-a asa mazina yanji aya kwe Leza.
Imilandu yino tuwile ukumanyila izina lya kwe Leza
E Leza afwile akalola ukuti izina lyakwe ilya kuti Yehova lyacindama nkaninye, amuno waliwikamo mwe Baibolo imiku imivule nkaninye.—Malakayi 1:11.
Umwana wa kwe Leza, e Yesu, walandanga sana pe vino izina lya kwe Leza lyacindama. Ku cakulolelako, wapefile kwe Yehova ukuti: “Izina lyako itele lichindikwe.”—Mateyu 6:9; Yohani 17:6.
Wano wakakwiza mukumanya izina lya kwe Leza nu kuliwomvya wakacita ivintu vya kutalicila pakuwa iviwuza vya kwe Yehova. (Amalumbo 9:10; Malakayi 3:16) Wuciwuza wa musango wo-o wukalenga wayitopwa uwulayo wa kwe Leza uwa kuti: “Nditula wano wankunda, nukucinjilila wano wamanya.”—Amalumbo 91:14.
E Baibolo ikalanda ukuti kwawa waleza awavule, yikati: “Amuno nanti kungawa wano wakwitwa awaleza, pamwi mwi yulu nanti a pansi; ndivino kuli waleza wavule ni zyamfumu mvule.” (1 Wakorinte 8:5, 6) Lelo yikalumbula e Leza wa cisinka wenga uwizina lya kuti, Yehova.—Amalumbo 83:18.
a Wamwi wano wasambilila iciHeberi wakunda ukuwomvya izina lya kuti “Yahweh” pi zina lya kwe Leza.
b Icilembo icifupi pi zina lya kwe Leza ica kuti, “Yah,” cikazanwa imiku 50 mwe Baibolo, ukusanzyako na vino likalumbulwa mwi zwi lya kuti “Haleluya,” lino likasula ukuti, “Lumbanyani Yah.”—Ukuwumbulika 19:1; American Standard Version; King James Version.
Mungakunda na vyoo
AMASAMBILIZYO YA MU BAIBOLO AMACINDAME
Uzye e Leza Wawa ni Zina?
Leza wawa na malumbo amavule, muno mwasanzyamo nya yakuti Umaka Yonsinye, Kelewula, ni lyakuti Tatakulu. Yooo vidyo ikulanda izina lya kwe Leza lino lyalumbulwa imiku ukucila pe 7,000 mwe Baibolo.
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.