Uzye e Satana Akaloleka Wuli?

LIZYANI

Vino Baibolo Ikakwasuka Lyo-o Iwuzyo

E Satana amuzimu, co-o cikusula kuno atawa nu muwili wuno tungalola.—Waefeso 6:11, 12.

Awavule wakadrowa Satana ni mpembe nu musinda wulyanye vino imbuzi yawa, swinya wakamudrowa lyo alemile na cafoloko icikulu. Wamwi wakalanda ukuti wano watalisile ukudrowa Satana wo-o, awantu wano walinjiko mu nsi imyaka 1000 yino yapitapo. Lelo cikaloleka ukuti wa-a welenganyanga vye pa twili tuno awakali wilikanga pe Satana.

Uzye e Baibolo ikamulondolola wuli?

E Baibolo yikalondolola Satana mu nzila imvule. Vyo-o vino ikatulondololela vikalenga tumanye vino wawa asa vino akaloleka. Vimwi vino yikamulondolola avyo-o:

Umungeli wakuwala. Akacita ngati akulonda ukucitila awantu ivizima nga akulonda wakonka vino akasambilizya ukucila ukukonka vino Leza akasambilizya.—2 Wakorinte 11:14.
Icimbwi cino cikuwuluma. Akasansa nkaninye awantu wa kwe Leza.—1 Peter 5:8.
Icing’wina cikulu. Akatiinya, awamaka swinya akakonona nkaninye ivintu.—Ukuwumbulika 12:9.

Amawaliko yano yakalanda pe Satana

2 Wakorinte 11:14: “Nu Satananye angapiluka aloleke ngati amungeli wakuwala!”

Cikusula ukuti: E Satana akawonvya ivintu vino vikaloleka nge avizima pa kupita awantu pa mano pa kuti wakonka vino akasambilizya ukucila vino Leza akasambilizya.
Waefeso 6:11: “Zwalani ivyanzo vyonsi vino Leza wawapa, alya kuti muwe na maka yakulwisya imichenjelo nikopeko lya kwe Satana.”

Cikusula ukuti: E Satana akawomvya imicenjelo imilekane lekane pakulenga awantu waleke ukwivwila Leza.
Jemusi 4:7: “Tontelanji Leza. Muwakanuzya Satana, apano angasamala afume kwe mwemwe”

Cikusula ukuti: Umuntu angacimvya e Satana nga akwivila Leza.
1 Peter 5:8: “Umulwani winu, e Satana, akupita-pita nu kuwuluma ngati achimbwi, akuvwamba uwakuti amuzuwole.”

Cikusula ukuti: E Satana wapata wonsinye wano wakatontela Leza swinya akalonda ukuwononela wuciwuza wawo na weliwe.