AWACITICI WAKAKOLOWOZYA UKUTI
Cani Cikalenga Nayilemba?
Uzye Ukuyilemba Acani?
Ukuyilemba akuwomvya icanzo icili consinye icikole pakuti umuntu ayicise umwenzonye. Yo-o anzilavye yonga iyakuyicisilamo. Kwawa na zinji inzila izya kuyicisilamo ponga ngati akuyoca nanti ukuyuma na cimwi. Co-o icipande cikulanda sana pakuyilemba, lelo amawaliko yano wawomvizye yangawomba kukuyicisa kwa misango yonsinye.
Uzye ungasuka wuli: Acisinka nanti Awufi.
Awanaci watupunye awano wakayilemba.
Ukuyilemba akukanakonka isundo lino likazanwa pe Levitikasi 19:28, lino likati: “Mutize muwayilembania.”
Icasuko:
Awufi. Nanti acakuti awakazyana awano wavulila ukuyilemba na wonsinye wakayilemba swinya weni wakawomvya inzila na zinji pakuyicisa.
Awufi. Amazwi yano yawa pe Levitikasi 19:28 yakalozya ku lutambi luno awantu awakali wano watapepanga e Yehova wakonkanga, yasilozya ku kuyilemba kuno ku kulandwapo mwe co-o icipande. Lelo nanti ciwe wo-o, tuzipizile twakwizuka ukuti ekelewula witu uwalukundo asilonda ukuti twayilemba.—1 Wakorinte 6:12; 2 Wakorinte 7:1; 1 Yohani 4:8.
Cani Cikalenga Awantu Ukuyilemba?
Uzye ungasuka wuli: Acili kwinye pe vyo-o cino ukulola ukuti acacisinka?
Awantu wakayilemba . . .
pamulandu wakuti wakalola ukuti ayili nzila yakucefezyamo intazi zino wakupitamo.y
pamulandu wakuti wakalonda ukuyikoma.
Icasuku: we A. Awantu awavule wano wakayilemba wasicita wo-o pamulandu wakuti wakalonda ukufwa. Wakalonda vye ukuyivwako icete pe vino wakupitamo.
Lolani vino awacitici wano wakonkapo walanzile ukuti avino vyalenzile ukuti wayilemba.
E Celia umukazyana uwamyaka 20 watili: “Ukuyilemba kwalenganga ndayivwako icete.”
E Tamara umukazyana uwamyaka 16 watili: “Nganayilemba nivwangako icete. Nalolanga ukuti uwulumila wa cilonda wazipa ukucila ukuyivwa uwuwi ku mwezo.”
E Carrie umukazyana uwamyaka 18 watili: “Ntivwanga icete ngandi nu wulanda. Acino nga nayilemba calenganga imbika amano kuwulumila wa cilonda, ukucila kuwulanda wuno nkweti.”
E Jerrine umukazyana uwamyaka 17 watili: “Nganayilemba, niwililanga ku ntazi zino nkupitamo. Nakunzile sana ukuyilemba nga nakwata intazi.”
Uzye Ungacita Wuli Pakuti Uleke Ukuyilemba?
Ukupepa kwe Yehova Leza kungakwavwa ukucimvya yo-o intazi. Amuno e Baibolo yikalanda ukuti: “Muwamutulila ukusaya kwinu konsi, amuno akawasayila.”—1 Peter 5:7.
Yelezya ukucita wo-o: Ungapepa ipepo ifupi, nu kunena e Yehova ukuti, “Nkulenga ukuti unjavwe.” Apano mukupita kwa mpindi, ungamulondololela vyonsinye vino ukuyivwa amuno we “Leza wisansamusya lyonsi.”—2 Wakorinte 1:3, 4.
Ipepo asanzilavye yino yikalenga atwivwa icete nga twapepa, lelo anzila yino tukalandilamo nu mukwasi witu uwakwi yulu, wino watulaya ukuti: “Nandi. . . ndawavwa; nandi ndawachinjilila nukuwatula.”—Ayizeya 41:10.
Cinji cino cavwizye awavule wano wayilembanga, akunenako awakwasi wawo nanti wa songo wano wasuwizile. Lolani vino awacitici watatu wano wayilembanga walanzile.
Amawuzyo ya kwelenganyapo
Nga cakuti ukulonda uwakukwavwa, weweni wino unganena?
Avyani vino unganena e Yehova mwi pepo pe yoyo intazi?
Lumbula inzila ziwili zino ungawomvya (ukufumyako iyakuyilemba) pakuti uyivweko icete nanti ukuleka ukusakamikwa?
