Uzye Inte zya kwe Yehova Wapilula Baibolo Pakuti Yilingane na Vino Wazumilamo?
Awe tutayipilula. Lelo nga twazana ukuti vino twazumizilemo vitakwivwana na vino Baibolo yikalanda, tukapiluka.
Kali pano tutani tutalike ukupulinta ama Baibolo ye New World Translation of the Holy Scriptures mu 1950, twawazizye nkaninyene vino vyawa mwe Baibolo. Twawomvizye ama Baibolo amalekanelekane pakuti tumanye vino tuzipizile ukuzumilamo. Lolani vino Inte zya kwe Yehova wazumilamo pa mpindi intali, swinya mulole nga vyalingana navino Baibolo yikasambilizya.
Vino twazumilamo: mwe Leza wenga mutawa wa Leza watatu. E magazine ye Zion’s Watch Tower iya mu July 1882 yalanzile ukuti: “Wano wakawazya amabuku yitu wamanya ukuti cingatenga twazumila mwe Yehova, e Yesu, nu muzimu wutele, twazumila ukuti mwe Leza wenga mutawa wa Leza watatu amuno wo-o asa vino Amawaliko yakalanda.”
Vino Baibolo yikalanda: “E Yehova, e Leza witu, we Yehova wenganye.” (Amasundo 6:4, The Holy Bible, by Robert Young) “Kwawa e Leza wenganye, e Tata, kuno kwafuma ivintu vyonsinye, swinya swe wakwe; ne Tatakulu wenganyene e Yesu Klistu, mwakwe wino ivintu vyonsi vyatumbulizilwe, mwakwe wino naswe tuli nuwumi.” (1 Wakorinte 8:6, American Bible Union Version) E Yesu umweneconye walanzile pe Yehova ukuti: “wakula wandusya.”—Yohani 14:28, Douay-Rheims Version.
Vino twazumilamo: Kutawa ukuya mukupya mu mulilo wa pe! E magazine yakuti, Zion’s Watch Tower iya mu June 1882, yalinji nu mutwe wuno wafumile pa Waroma 6:23 mwe Baibolo ye King James Version. Wo-o umutwe watinji “Ichilambu ca Luwembu Amfwa,” Yo-o magazine yatili: “Ya-a amazwi yatatala ukwivwa. Lelo tusizunguka ukuti awantu awavule wano wazumila ukuti e Baibolo alizwi lya kwe Leza watwalililavye ukulanda ivipusane naya amazwi. Wakalanda ukuti e Baibolo yikasambilizya ukuti icilambu caluwembu akuya mukupya nukucula mu mulilo umuyayaya, swinya vyonye vyo-o avino wazumilamo.”
Vino Baibolo yikalanda: “Wino akuwembuka awino alifwa.” (Ezekiel 18:4, 20, King James Version) E Leza ataliyocapo wano wasimwivwila mu mulilo, lelo waliyononwavye ‘umuntasila.’—2 Watesalonika 1:9, King James Version.
Vino twazumilamo: Uwufumu wa kwe Leza awuteko wa kusimicila, wusikwikala mu cifuwa ca muntu. E magazine ya Zion’s Watch Tower iya mu December 1881 yalanzile pa Wufumu wa kwe Leza ukuti: “Uwufumu wa kwe Leza wulifumyapo amawufumu yonsinye mo-o munsi.”
Vino Baibolo yikalanda: “Swinya mumanda yamfumunye zyozyo e Leza wamwiyulu aliyimika uwufumu wuno wutalitela wononeke, swinya wutalitela wuwe awufumu wawantu wanji. Wulimongolanya amawufumu wuyalovye, weni wize wuwe awufumu Amanda yonsi.”—Daniel 2:44, King James Version.
Uzye Inte zya kwe Yehova Wakawomvya vye e Baibolo ya Malembo ya Calo Cipya Pakulanda Vino Wazumila?
Awe, tukawomvya ama Baibolo amalekane lekane pano tukuwizya. Cingatenga tukapa awantu ama Baibolo ya Malembo ya Calo Cipya ukwasowa ukulipilicisya, nga wakulonda ukusambilila Baibolo. Lelo tusilesya wano wakulonda ukuwomvya ama Baibolo yawo pano tukusambilila.
Mungakunda na vyoo
AMAWUZYO YANO AWANTU WAKAWUZYAPO SANA
Uzye Inte zya kwe Yehova Wayikwatila Baibolo Yawo?
ukuwovya ama Baibolo amalekane lekane amapiliwulwe kungalenga mwakwivwicisya pano mukusambilila Baibolo. Ivintu vitatu vino vikalanjizya uwucindami wakuwovwezya e Baibolo ya Amalembo ya Calo Cipya aya mushilo pano tukuyisambilizya.
AMAWUZYO YANO AWANTU WAKAWUZYAPO SANA
Uzye e Baibolo ya Amalembo ya Calo Cipya Wapiliwulwa Icete?
Amulanduci wuno e Baibolo ya Amalembo ya Calo Cipya yapusanila na mabaibolo yanji yano wapiliwula?
AMASAMBILIZYO YA MU BAIBOLO AMACINDAME
Uzye Tungasinincizya Wuli Ukuti e Baibolo aya Cisinka?
Nga cakuti amazwi yano yawamo yafuma kwe Leza, lyo yifwile ukupusanako na mabuku yanji yano awantu walembapo.
AMASAMBILIZYO YA MU BAIBOLO
Yelezya Ukusambilila Baibolo
Talika ukusambilila Baibolo uwilanye nu wakukwavwa.