Imilandu yino yakonkapo ayino ikalenga wa Nte watati waya kunkondo:

1.   Wakakwivwila Leza. E Baibolo ikavwanga ukuti wano wakawombela Leza “walisula impanga zyawo ziwe ankundi” swinya ‘watalisambilila inkondo.’​—Ayizeya 2:4.

2.   Wakakwivwila Yesu. E Yesu wanenile umutumwa Peter ukuti: “Someka ulupanga lwako mu chipata amuno wonsi wano wakasenda impanga walifwila kulupanga.” (Mateyu 26:52) Pakulanda ya-a amazwi, e Yesu cino walandangapo acakuti awasambilizi wakwe awacisinka wataliwasenda ivyanzo vya wulwi ukuya kunkondo.

    Awasambilizi wa kwe Yesu wakakwivwila isundo lyakwe ilyakukanawa uluwali ‘lwansi’ ukupitila mukukanayisanzya mu vikanza ivili vyonsinye vino vyawa munsi. (Yohani 17:16) Wasikatusya ivyongo kwe vino awasoja wangacita swinya wasilesya nanti awalyanye wano wakasolapo ukwinjila uwusoja.

3.   Wakunda wanji. E Yesu wanenile awasambilizi wakwe ukuti “kundananji.” (Yohani 13:34, 35) Awasambilizi wa kwe Yesu wakakwikala munsi yonsinye ica kuti watange welenganye na pakuya mukulwisya wa munyina wano wawa ku nsi yinji.​—1 Yohani 3:10-12.

4.   Wakakolanya icakulolelako ca wina Klistu wa mu mpindi zya watumwa. Ibuku lyakuti Encyclopedia of Religion and War likati: “Awina Klistu wakutalicilapo watwalwangako inkondo swinya watinjilanga nu wusoja,” wamanyile ukuti ukucita vyonsinye vyo-o kukalanjizya ukuti wumwi “atawa nu lukundo luno Yesu walanzile swinya lyo atakunda na walwani wakwe.” Ne wumwi umusambilile sana uwa ku German e Peter Meinhold wavwanzile ukuti: “Ukuwa umwina Klistu swinya umusoja visipitilana ponga.”

 Inte zya kwe Yehova wakawomba umulimo uwucindame kwe wanji, swinya wasicita vino vingaleta icimvulunganya nanti ukuvulunganya umutende. Wakatontela wakateka, ukulingana na vino Baibolo ikalanda ukuti:

•   “Wilamuntu awatontela wakateka wansi.”​—Waroma 13:1.

•   “Achaleka fwandi panji imfumu vino avyakwe, nivyakwe Leza, panji Leza.”​—Mateyu 22:21.

 Tukatontela amasundo yansi, tukasoncela imisonko swinya tukawombela ponga nu wuteko mwe vino wukawombesya ukwavwilizya awikala nsi.