Awe. Asa wina Zioni. Inte zya kwe Yehova awina Klistu, swinya vyonsinye vino wazumilamo vikafuma mu Mawaliko. Nanti acakuti amacalici yanji yakasambilizya ukuti ukulonganikwa kwa Yuda munsi ya Palestine kukakwivwana nu wusesemo wa mu Mwaliko, Inte zya kwe Yehova watazumila mwe vyo-o. Amawaliko yasilanda ukuti insi yimwi, uwuteko wumwi nanti umutundu wumwi wacindama ukucila imitundu nanti insi yimwi. E Magazini ya Ulupungu lwa kwe Malonda, yalanzile ukuwasowa nukupita mu mbali ukuti, “Amawaliko yasitunjilila iwungwe lya mapolitiki ilya Zioni.”

 Ibuku lyakuti Encyclopædia Britannica likalanda pi wungwe lya Zioni ukuti “Aliwungwe lya wa Yuda lino likalwisya ukupanga nu kutunjilila uluko lwa Yuda ulwa mu Palestine.” Lyo-o iwungwe lyasimpwa pa mipepele na pamapolitiki. Inte zya kwe Yehova watasuwila mukuti ici Zioni aluwali lwa mipepele yawo swinya wasitunjililako ivikanza vya nsi ivili vyonsinye pano pawa ni vya ci Zioni.

 Iwungwe lya Nte zya kwe Yehova lisitunjilila uluwali ululi lonsinye ulwa vikanza vyansi. Wonye avino wamanyikwa, swinya munsi zimwi wakawacuzya nukuwacuzya pa mulandu vye wakukana ukuyisanzya mu vikanzya vya munsi. Tusivwilika nanti katicinye ukuti Uwufumu wa ke Leza awuno wulileta umutned mu nsi, asa wuteko wa muntu uwili wensinye wuno wungacita icintu cakula wo-o.

 Iwungwe lya Nte zya kwe Yehova ukuli konsinye wa Nte wawela, wakatontela icisinka ci sundo lya mu Baibolo ica kutontela amasundo ya wuteko yano yawa kunsi kuno wikalila. Wasipondocela uwa muwuteko swinya wasilwako ni nkondo.