Uwufi: Cino calenga watati wazevyako amuno asa wina Klistu.

 Icisinka: Twazumila mukuti e Yesu Klistu we Katuula witu, swinya tukawombesya na maka ukukonka mu “matampulo yakwe.”​—1 Peter 2:21; Luka 2:11.

 Uwufi: Mutazumila mukuti e Yesu wazyulupusile ku wafwe.

 Icisinka: Twazumila mukuti e Yesu wazyulupusile, swinya pakuzyulupuk kwakwe Yesu apano pasimpwa ni suwilo lya wina Klistu nu mulimo witunye uwa kuwizya.​—1 Wakorinte 15:3, 4, 12-15.

 Uwufi: Mutawika amano ku wana winu amuno wakapusulwa ku vivule vino awawuye wakacita pe Isita.

 Icisinka: Twakunda awana witu swinya twawawikako amano, awuli umulandu wuno tukawombesezya ukuwasambilizya nukuwavwa pakuti wawa ni nsansa.​—Taitasi 2:4.

•   E Baibolo itatunena ukuti twazevya Isita.

•   E Yesu watunenile ukuti tuwakwizucizya imfwa yakwe, asa kuzyulupuka, awe! Tukakwizucizya Imfwa ya kwe Yesu umuku wonga pa mwaka. Tukawa ni cizusyo palyanye pano cawezile ukulingana ne Kalenda wa mu Baibolo.​—Luka 22:19, 20.

•   Twazumila ukuti vino wakacita pakuzevya Isita, vyafuma ku ntambi zino wakonkang pa miteweto yino wazevyanga pakuti wawe nu wukwasi, acino e Leza asilonda awantu wakwe wazevyako Isita. E Leza akalonda ‘twamupepa wenganyene nsu,’ swinya akafulwa nkaninye nga tukucita vino asilonda.​—Ukufuma 20:5; 1 Izyamfumu 18:21.

 Twazumila mukuti ukukana ukuzyevyako e Isita kukakwivwana na vino Baibolo ikalanda. Ikatunena ukuwomvya “amano nu kwiluka” ukucila ukukonka vye intambi zya wantu. (Imilumbe 3:21; Mateyu 15:3) Nanti acakuti tukanenako wanji vino twazumilamo pe Isita nga cakuti watukolowozya, tukacindia vino aweneco wakasolapo ukucita.​—1 Peter 3:15.