Uzye Ningacita Wuli pa Kuti Imbe ne Nte ya kwe Yehova?
E Yesu walanzile vino vikalondekwa pa kuti wumwi awe Inte ya kwe Yehova, swinya vikazanwa pe Mateyu 28:19, 20. Pe lyo-o iwaliko pawa vino wumwi azipizile ukucita pa kuti awe amusambi wa kwe Klistu. Pe vyo-o pawa nu kuwizya nanti ukunenako wanji pe Yehova.
Ica Kutalicila: Sambilila vino Baibolo yikasambilizya. E Yesu wanenile awasambilizi wakwe ukuti yanji ‘mukawasambilizye . . ., muleke wawe awasambilizi wane.’ (Mateyu 28:19, 20) Izwi lyakuti “umusambi” likapiliwula ukuti “wino akusambilila.” Mwe Baibolo mwawa amalyasi yano yangakwavwa ukuwa ninsansa nu wumi uwuzima, maka maka vino Yesu wasambilizyanga. (2 Timoti 3:16, 17) Tuli ni nsansa ukukwavwa ukusambilila vino Baibolo yikasambilizya ukupitila mwi sambililo litu ilye Baibolo lino tukawa nalyo ukwasowa ukulipilisya.—Mateyu 10:7, 8; 1 Watesalonika 2:13.
Ica Citiwili: Wacita vino ukusambilila. E Yesu walanzile ukuti wonsinye wano wakusambilila, wazipizile nu “kusunga vyonsi vino wawasunda.” (Mateyu 28:20) Co-o cikusula mukuti isambililo litazipizile ukupelelavye pa kusambilila nukulanzyanya, lelo lizipizile ukumyavwa ukupiluka mwe vino mukakwelenganya na vino mukacita. (Imilimo 10:42; Waefeso 4:22-29; Waheberi 10:24, 25) Wano wakakwivwila amasundo ya kwe Yesu, wakakwiza mukupingulapo ukutalika ukumukonka ukupitila mukuyipa kwe Yehova Leza.—Mateyu 16:24.
Ica Cititatu: Ukubatizwa. (Mateyu 28:19) Mu Baibolo, ulubatizyo walukolanya kukuzikwa. (linganyani Waroma 6:2-4.) Umuntu nga wabatizwa akawa ngati wafwa akuli ukuti akaleka ukucita vino wacitanga kali nukutalika ukwikala imikalile iyipya. Nga mwabatizwa, lyo mwalanjizya awantu wonsinye ukuti mulanjizizye ivintu viwili vino Yesu walanzilepo, swinya mukulenga e Leza ukuti amipe e kampingu umusanguluke.—Waheberi 9:14; 1 Peter 3:21.
Uzye nigamanya wuli ukuti mfisilepo ukubatizwa?
Muzipizile ukunena wa Eluda. Mulilanzyanya nawo pakuti wayisinincizizye nga acakuti mwivwicisya vino cikasula ukubatizwa, mukakonka vino mukasambilila swinya mwayikundizile mwe weneco ukuyipa kwe Leza.—Imilimo 20:28; 1 Peter 5:1-3 .
Uzye wa mwana Nte nawonye wakakonka vyo-o vino twalandapo?
Ee. Tukakuzya awana ukulingana na vino Baibolo yikalanda ukuti, “muwawalela mwi sundo na mwi socelo lya Mfumu.” (Waefeso 6:4) Lelo nanti ciwe wo-o, pano wakukula aweneco awano wazipizile ukuyipingulila pano watani wabatizwe nga cakuti wakulonda ukusambilila Baibolo, ukuzumila vino yikalanda nukucita vino yikasambilizya. (Waroma 12:2) Cila muntu awino azipizile ukuyisolelapo palwakupepa.—Waroma 14:12; Wagalatiya 6:5
Mungakunda na vyoo
PA NTE ZYA KWE YEHOVA
Uzye Acani Cino Cikacitika pi Sambililo lye Baibolo?
Insi yonsinye Inte zya kwe Yehova wakasambilila na wantu Baibolo. Yilolelani mweweneco vino cikawa pa kusambilila Baibolo.
AMAWUZYO YANO AWANTU WAKAWUZYAPO SANA
Uzye Nga Niza Natalika Ukusambilila Baibolo Mpaka Injize Imbe ne Nte ya kwe Yehova?
Inte zya kwe Yehova wakasambilila Baibolo na wantu ukuzinguluka insi yonsinye ukwasowa ukulipilisya. Uzye nomba muzipizile ukuwa Inte ya kwe Yehova nga mwazumila ukusambilila Baibolo?
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
AMASAMBILIZYO YA MU BAIBOLO
Yelezya Ukusambilila Baibolo
Talika ukusambilila Baibolo uwilanye nu wakukwavwa.