Inte zya kwe Yehova wakawomvya inzila inzima nkaninye pakavwa awantu ukumanya vino Baibolo ikasambilizya. Isambililo lye Baibolo lingamyavwa:

•   Ukuwa ni nsansa mu lupwa

•   Ukuwa ciwuza wa kwe Leza

•   Ukusamanya vino e Leza walaya ukumicitila kunkolelo

Paa mwandi musambilile

•  Acani cino cikacitika pi sambililo lye Baibolo?

•  Uzye walindipilisya pakunsambilizya Baibolo?

•  Uzye lyonye isambililo lyatalimpa wuli?

•  Ningatalika wuli ukusambilila?

•  Uzye ningatalicilapo nu kwelezya?

•  Uzye nga niza natalika ukusambilila lyo cikusula ukuti mpaka ndiwa Inte ya kwe Yehova?

•  Uzye ningiza nawomvya e Baibolo yane pi sambililo?

•  Uzye ningiza nakwitako na wanji pisambililo?

•  Nganga cakuti nasambilizilepo ni Nte zya kwe Yehova ku nsizi? Uzye ni ngatalika na swinya?

•  Uzye wumwi angasambilila Baibolo palwakwe nanti pasi uwakusambilizya nye?

 Wino aliwamisambilizya Baibolo alimyavwa ukumanya Baibolo ukulingana na pano mwafika. Pakusambilila muliwawomvya ibuku Ungikala Amanda Pe! Mwe lyoo ibuku muliwamwasambilila katici katici vino Baibolo ikasambilizya, mulimanya na vino ingamyavwa. Pakumanyilapo na vinji tambani wee vidyo.

 Awe. Muliwamwasambilila uwiilanye. Sweswe tukakonka vino e Yesu wanenile awasambilizi wakwe ukuti: “Mwapochelela uwiila, achaleka namwenye kapanji uwila.” (Mateyu 10:8) Sweswe tusifolela penepo mukusambilizya wanji e Baibolo. Swinya nga mukulonda e Baibolo ni bukunye lino muliwawomvya ilyakuti Ungikala Amanda Pe! Navyonye tusikazya, walimipa uwilanye

 Mwe lyoo ibuku mwawa amasambililo 60. Mwe weneco mungasolapo vino mukulonda mwasambilila pa wanda wuno mwasola. Lelo awavule wakakunda ukumala isambililo lyonga nanti amavule pe sabata.

1.  1. Yizuzyani e formu wa pa intaneti. Tuliwomvya ivyewo vino mwatutumila pakumipekanizizya uwakwizya mukumisambilizya Baibolo ampela.

2.  2. Uwakumisambilizya Baibolo alilanda namwe. Uwakumisambilizya Baibolo aliminena vino viliwacitika pisambililo lye Baibolo swinya aliyasuka na mawuzyo yonsinye mulikunda ukukolowozya.

3.  3. Mwe weneco amwe wano mulitantika ivya kusambilila. Mungasolapo ukuti wamitandalila pa ng’anda nanti mwasambilia ukuwomvya foni, pa ukumitumila pa vidyo, nanti pa mameseji nanti pa email. Isambililo lyonga na lyonga likasumba vye iawala lyonga. Lelo nga mukulonda mungasambilila vye pa mpindi intici ukulingana na vino mweweneco mwasolapo.

 Emukwai. Pakucita woo, yizuzyani e formu wa pa intaneti. Uwakumisambilizya Baibolo nga walanda namwemwe, mungamunena ukuti mukulonda vye ukwelezya pakuti mulole vye vino cikawa. Musakulonda ukufika apatali. Aliwomvya e broshuwa ya kuti Ungikala Amanda Pe! Mwe wee broshuwa mwawa vye amasambililo yakutalicilapo yatatu. Cino yawelako akumyavwa ukulola nga cakuti mungakunda ukutwalilila ukusambilila.

 Awe asa muno cikusula. Swe Nte zya kwe Yehova, twakunda ukusambilizya awantu e Baibolo. Lelo nanti ciwe woo tusipaticizya uwili wensinye ukuwa Inte ya kwe Yehova. Tukusambilizya vye awantu mu nzila inzima vino e Baibolo ikalanda, amuno twamanya ukuti cila muntu wawa ninsambu zya kusolapo cino akulonda.​—1 Peter 3:15.

 Ee, mungawomvya e Baibolo iyili yonsinye yino mukulonda. Nanti aca kuti twakunda ukuwomvya e Baibolo wa Amalembo ya Calo Cipya, pa mulandu wa kuti yapepuka ukwivwa, twamanya ukuti cila muntu wawa ne Baibolo yino wawelezya.

 Emukwai. Nga mukulonda mungiza mwakwitako na walupwa lwinu niviwuza. Awali wonsinye wano mungakunda ukwitako.

 Emukwai. Nga mwiza mwatalika naswinya, apano muliwa mwakwivwa ni cete ukusambilila ukucila na vino calinji kunsizi, amuno pe yoo impindi tukuwomvya ibuku ilipya swinya ilizima lino liwezileko ukwavwa awantu pe yoo impindi. Mukuwa ivyakutamba ivivule swinya pakuwa nukulanzyanya ukucila vino twasambililanga na wantu kunsizi.

 Emukwai. Angasambilila. Nanti aca kuti awavule wakasambilila icete nga pali uwakusambilizya, wamwi wakakunda ukuyisambilizya aweneco. Twawa ni vyakuwomvya ivivule pakuyisambilizya Baibolo vino vingamyavwa mwi sambililo linu. Vimwi vino viliwamyavwa sana avyoo:

•   Watchtower LAIBULALE YA PA INTANETI. Mungawomvya coo iciwombelo ukulola amabuku ya Nte zya kwe Yehova.

•   Amavidyo ya pe Baibolo. Yaa amavidyo amafupi yakalondolola amasambilizyo ya mu Baibolo amacindame.

•   Amawuzyo ya mu Baibolo Yasukwa. Vyoo ivipande vikalanda pa mawuzyo amalekanelekane yano awantu wakawuzya pe Baibolo.

•   Amaversi ya mu Baibolo Yalondololwa. Mulilola uwupiliwulo wa maversi na mazwi yamwi aya mu Baibolo yano yamanyikwa sana.