Ee. Wumwi angaleka ukuwa Inte ya kwe Yehova ukupitila munzila ziwili:

•   Ukupitila mukuyilandila umweneconye. Umweneconye angayilandila nanti ukulemba e kalata ukuti apinguzilepo ukuleka ukuwa Inte ya kwe Yehova.

•   Ukupitila mwe vino akucita. Wumwi angacita vino vikulanjizya ukuti atakulonda ukutwalilila ukuwa Inte ya kwe Yehova. (1 Peter 5:9) Ku cakulolelako angatalika ukupepa mwi calici linji nukuwanena ukuti amuno akulonda ukutwalilila ukupepa.​—1 Yohani 2:19.

 Awe, asa vino tukalola. Ukuleka nu kuyitalusya kwi wungwe, vyapusana nkaninye nukuwa umutonte mu vya kwe Leza. Ilivule, wano wakaleka ukulongana nukuwizya pa mpindi yimwi, lyo cisakusula ukuti waleka ukuwa awa Nte, lelo lyo ncepamwi wakupitavye mu ntazi zimwi. Ukucila ukukankamba awantu wamusango wo-o, tukakwelezya na maka ukuwawomelezya nukuwavwa. (1 Watesalonika 5:14; Yuda 22) Nga cakuti wumwi akulonda uwavwilizyo, wa eluda awano wakawa pa nkolelo mukumwavwa mu vya kwe Leza”.​—Wagalatiya 6:1; 1 Peter 5:1-3.

 Lelo nanti ciwe wo-o, wa eluda watawa na maka yakunena nanti ukupaticizya uwili wensinye ukutwalilila ukuwa Inte ya kwe Yehova. Cila muntu azipizile ukuyisolela ukwakupepa. (Joshua 24:15) Twazumila ukuti wonsinye wano wakupepa Leza, wazipizile ukuyikundila ukufuma pa nsi ya mwezo.​—Amalumbo 110:3; Mateyu 22:37.