Wawo wano wabatizizwe nu kuwa Inte zya kwe Yehova nomba waleka ukuwizya nanti pamwi waleka nu kulongana na wina Klistu wawuye, tusiwakankamba awe. Tukaya mukuwawomelezya pakuti wakunda vino wasambilizile mwe Baibolo ndi wavikunzile pa kutalika.

 Wumwi ndi wacita uluwembu ulukulu, cisisula ukuti mpakanye afwile ukuwingwa. Lelo nga cakuti Ente wino wabatizwa, watwalilila vye ukusula amasundo ya kwe Yehova aya mu Baibolo ukupitila mukutwalilila ukucita uluwembu, akawingwa mwi wungwe, tukaleka ukwizya nawe. E Baibolo ikatunena ukwasowa nukupita mu mbali ukuti: “Fumyani umuntu muwipe mwiwumba linu.”​—1 Wakorinte 5:13.

 Nomba cikawa wuli nga cakuti umonsi awino wawingwa lelo umuci na wana wakwe weni wacili Ante za kwe Yehova? Akatwalilila ukusakamala ulupwa lwakwe wulyanye vino walusakamalanga pano atani awingwe. Lelo akaleka ukucitila nawo ponga ivya kwe Leza. Itwala lisisila, swinya akatwalilila ukulanjizya ulukundo ku muci nukusakamala ulupwa lwakwe na wana

 Wano wawingwa wangazanwako mukulongana. Swinya nga wakulonda, wangawavwa mu vya kwe Leza kwa eluda mwi wungwe. Cino waeluda wakacitila woo, akwavwa umuwingwe ukufikapo ukuwa Inte ya kwe Yehova naswinya. Wino wawingwa nga waleka ukucita imisango miwipe, swinya walanjizya nukuti akulondesya ukukonka amasundo ya mu Baibolo, akapocelelwa mwi wungwe naswinya.