Tukakonka vino Baibolo yikalanda pi twala nu kulekana. E Leza wapanzile ukuti itwala liwe alya muyayaya pakasi ka monsi nu mwanaci. Icintuvye conga cino Amawaliko yalandapo ukuti cingalenga wamwi ukulekana, awuzelele.​—Mateyu 19:5, 6, 9

 Ee, wakacita wo-o ukupitila muvintu ivilekane lekane:

•   Amabuku. Mu mabuku yitu mukawa vino vingavwa awatwalane ukuwomya itwala lyawo ukuwikakovye na walyanye wano itwala lyawo liyile mukusila. Ku cakulolelako, lolani icipande cakuti “Ukutwalilila Ukusuwilana mwi Twala,” “Vino Mungacita pa Kuti Muwatetelana,” ne “Ukutalika Ukusuwila na Swinya mwi Twala Linu.”

•   Ukulongana. Tukasambilila vino Baibolo yikalanda pitwala pa kulongana kwa mukasi ke sabata, ukwa muputule, nu kwa citungu.

•   Wa eluda. Wa eluda wa mu mawungwe, wakakwavwa awatwalane ukupitila mukuwomvya amawaliko ponga nge Waefeso 5:22-25.

 Awe. Nanti acakuti wa eluda wangawawuzya ukwavwa awatwalane wano wali ni ntazi, watawa ni nsambu zyakunena awatwalane vino wazipizile ukucita. (Wagalatiya 6:5) Lelo wumwi nga wasolapo ukufuma mwi twala lyakwe ukwasowa imilandu ya mu Mawaliko, lyo asi ni nsambu zya kutwala nanti ukutwalwa.​—Mateyu 19:9.

 E Baibolo yikawomelezya awatwalane ukutwalilila ukwikala ponga asamulandu ni ntazi zino wangawa nazyo. (1 Wakorinte 7:10-16) Intazi zimwi mwi twala, zingasila ukupitila mukupepa cila wanda, ukuwomvya ivisinka vya masundo ya mu Baibolo nu kulanjizya ulukundo.​—1 Wakorinte 13:4-8; Wagalatiya 5:22.

 Lelo muntazi inkulu izikole zyo-o zino zyakonkapo, awina Klistu wamwi wakasolapo ukupawunkana na wawakwawo:

•   Ukuleka ukusakamala ulupwa kumufulonye.​—1 Timoti 5:8.

•   Nga cakuti wakumuma nkani.​—Amalumbo 11:5

•   Ukumulesya ukucita ivya kwe Leza. Kucakulolelako wenga pa watwalane angapaticizya umuwuye ukukana konka amasundo ya kwe Leza. Nge cawa wo-o wino wakumupaticizya angapingulapo ukuti wapawunkane pakuti alanjizye ukuti wazipila ‘ukutontela Leza, awantu pole.’​—Imilimo 5:29.