Wano wawika sana amano ku mipepele watazipizile wavwilika nga cakuti ukupepa kuno wasola akuno Leza ne Yesu wazumilizya nanti awe. Amuno nga watisinincizizye, lyo amulandu ci wuno wakayila nakweneko?

 E Yesu atazumizile mu cisinka cakuti kwawa imipepele imivule, imisewo imivule yino yalungama ku wumi. Lelo watili: “Ukuwa impongolo mfyenenkane ninzila yino yalungama kuwumi antale, yeni wano wakayizana wali watichi.” (Mateyu 7:14) Inte zya kwe Yehova wazumila ukuti wayizana yo-o inzila yino yalungama ku wumi. Amuno watanga wayizane, nanombanye nga wacili wakavwamba ukupepa kwa cisinka.