Awe, mukwai. Kweni tukatandalila awantu mumang’anda yawo, nomba cino tukawizizizya asa kuti twize tupusuke. (Waefeso 2:8) Nu mulandu awo-o:

 Tuti: Umonsi wumwi uwa luse walaya ukupa awantu icawupe ica mutengo sana ku wili wensinye wino wiza wazanwa pa ncende ni mpindi yino umweneco atantisile. Uzye nga cakuti mwasuwila sana we-e umonsi, swinya musuwizile na vino alayile, mutanga mukane ukukonka vino alanzile? Ukwasowa nukuvwilika mungavikonka! Mungaya muneneko na walupwa lwinu ni viwuza ukuti nawonye wize wapoceleleko wo-o uwupe. Nomba ukucita vino umonsi alanzile asakuno kungalenga mupoke uwupe. Cino cilenzile, amuno wino wamilayile avino walondanga ukucita, walondanga ukumipa uwupe uwilanye.

 Swe Nte zya kwe Yehova twasuwila vino Leza walaya ukuti alipa uwumi wa muyayaya kwe wano wakamwivwila. (Waroma 6:23) Tukawikako amano ukunenako wanji vino twazumilamo amuno twamanya ukuti nawonye, wangiza wawe nu wumi wamuyayaya wuno e Leza watulaya. Tutazumila mukuti ukuwizya akuno kulilenga twize tuwe nu wumi wamuyayaya. (Waroma 1:17; 3:28) Kutawa nanti cimwinye cino umuntu angacita cino cingalenga e Leza amupelelepo nu wumi wamuyayaya. E Baibolo ikavwanga ukuti: “Kusi akumilimo yino sweswe twachita, ukwa amno ankubu zyakwe zino watutulila.”​—Titus 3:5, Izwi Lyakwe Leza.