Uzye Inte zya kwe Yehova Wazumila Mukuti Leza Wapanzile Insi mu Manda 6 aya Maawazi 24?
Awe. Ukuwa kweni swe Nte zya kwe Yehova twazumila mukuti e Leza awino welewuzile vyonsinye, lelo tutazumila mukuti wavipanzile mu mandavyenye 6 aya amaawazi 24. Nu mulandu awo-o, vyo-o vyapusana na vino Baibolo ikasambilizya. Mulole vino vyakonkapo:
Vino amanda 6 ayakwelewulamo ivintu yatalimpa. Wamwi wakavwanga ukuti amanda 6 yano Leza wasumvile pakwelewulamo ivintu ayanye aya maawazi 24. Lelo izwi lyakuti “uwanda” mwe Baibolo lingasula iciputulwa ca mpindi yimwi.—Intaliko 2:4; Amalumbo 90:4.
Imyaka yino insi yikweti. Wamwi wakasambilizya ukuti pano insi yapanjizilwe papisile vye imyaka yakupenda. Lelo e Baibolo ikatunena ukuti, insi ni yulu akuno vyalinji pano na manda 6 ayakwelewulamo ivintu yatani yaweko. (Intaliko 1:1) Pe wo-o umulandu, Inte zya kwe Yehova wasikana kwe vimwi vino wa sayantisiti wakakwiza mukuzana vino vikalanjizya ukuti insi yingalanga yamala imintapendwa ya myaka ukufuma pano Leza wayelewuzile.
Nanti acakuti swe Nte zya kwe Yehova twazumila mukuti vyonsinye vyelewuzilwe vye, tusikana vino wasayansi wazana. Twazumila ukuti vino sayansi ikalanda vikakwivwana na vino Baibolo ikalanda.
Mungakunda na vyoo
IVYASUKO KU MAWUZYO YA MU BAIBOLO
Uzye vino Baibolo ikalanda pe sayansi avisinka?
Uzye pawa mumwi muno e Baibolo yalanda ivye sayansi muno yawipa?
IVYASUKO KU MAWUZYO YA MU BAIBOLO
Ampindi ci Pano Yehova Watalisile Ukwelewula Insi ni Yulu?
Icasuko cikazanwa mwe vino amazwi ya kuti “pakutalika” nu “wanda” wayawonvya mwi buku lya Intaliko.
AMASAMBILIZYO YA MU BAIBOLO AMACINDAME
Uzye Iyulu ni Nsi Vyelewuzilwe?
Awavule wakapotwa ukwivwicisya ilyasi lya mu Baibolo lino likalanda pa kwelewulwa ne wamwi wakalola vye ngati akiili. Uzye kweni tungasuwila vino e Baibolo ikalanda pe vino calinji pakuti iyulu ni nsi viweko?
PA NTE ZYA KWE YEHOVA
Lengani uwa Kumitandalila
Lanzyani pi wuzyo lino mwakwata pe Baibolo, nanti sambililani na vinji pa Nte zya kwe Yehova.